Video
Read full review
2016-11-25
2536 views
之前係呢度，老闆請過我食午市韓燒，果時已經想食佢啲Lunch set。其實試左3次，上次食牛肉蓋飯，再上次食泡菜炒辣五花肉，今次食牛肉石頭拌飯。我覺得牛肉比豬肉好食。泡菜同五花肉比例唔係咁好，豬肉有啲少，泡菜好似老得濟，有啲酸，可能係唔同風格？牛肉蓋飯好惹味，但食晒成碟會覺得有啲咸左少少。食左咁多次，再寫食評係因為想讚下個石頭拌飯，我本人幾鐘意石頭拌飯，所以食過好幾間，我覺得呢整得幾好。首先啲飯唔會太濕，因為太濕會拌唔到啲飯，但佢啲飯濕度剛剛好。第二啲菜唔會太薄，切得剛剛好，其實拌飯最貴就係切菜啲刀工，有啲餐廳係刨出泥，所以啲蘿蔔會好薄，但呢間唔似刨出泥，如果佢真係刨出泥，咁我會覺得佢幾抵食，因為夠大份。第三係佢個石頭鍋，唔知係咪有啲"喬"妙，我食左超過半粒鐘，個飯keep住出煙，最神奇係熱得泥，佢啲飯焦係唔會變炭，呢個係石頭拌飯嘅另一個精粹。第四係個拌飯醬，食落開頭覺得佢好似甜左啲，點知有後勁，有啲辣，不過我本人都唔係好食得辣。第五夠大份，應該連晚餐都唔洗食。遺憾係啲牛肉少左少少。其實以上都係係拌飯嘅基本嘢，可能外面啲餐廳整得求其左，又可能我少食高級韓式餐廳啦～然後，講下啲前菜同飲品
其實試左3次，上次食牛肉蓋飯，再上次食泡菜炒辣五花肉，今次食牛肉石頭拌飯。
我覺得牛肉比豬肉好食。
泡菜同五花肉比例唔係咁好，豬肉有啲少，泡菜好似老得濟，有啲酸，可能係唔同風格？
牛肉蓋飯好惹味，但食晒成碟會覺得有啲咸左少少。
食左咁多次，再寫食評係因為想讚下個石頭拌飯，我本人幾鐘意石頭拌飯，所以食過好幾間，我覺得呢整得幾好。
首先啲飯唔會太濕，因為太濕會拌唔到啲飯，但佢啲飯濕度剛剛好。
第二啲菜唔會太薄，切得剛剛好，其實拌飯最貴就係切菜啲刀工，有啲餐廳係刨出泥，所以啲蘿蔔會好薄，但呢間唔似刨出泥，如果佢真係刨出泥，咁我會覺得佢幾抵食，因為夠大份。
第三係佢個石頭鍋，唔知係咪有啲"喬"妙，我食左超過半粒鐘，個飯keep住出煙，最神奇係熱得泥，佢啲飯焦係唔會變炭，呢個係石頭拌飯嘅另一個精粹。
第四係個拌飯醬，食落開頭覺得佢好似甜左啲，點知有後勁，有啲辣，不過我本人都唔係好食得辣。
第五夠大份，應該連晚餐都唔洗食。
遺憾係啲牛肉少左少少。
其實以上都係係拌飯嘅基本嘢，可能外面啲餐廳整得求其左，又可能我少食高級韓式餐廳啦～
然後，講下啲前菜同飲品
前菜個碟泡菜，越整越甜，可能就返香港人口味掛，記得上年第一次泥食係最好食，而且有三款前菜，其中一款係醃漬海帶添，宜家得返傳統泡菜同麻油芽菜呢兩款。
嘢飲飲過兩款，檸檬梳打同柑橘柚子，叫做幾正常，可以叫少甜。
Post