Video
Read full review
2020-12-12
4853 views
lonely and sad Xmas 只能繼續留係香港. 無得去日本，唯有繼續係香港搵好食催眠下自己🤣omakase 係其中最食到時令魚生壽司，不過通常比較貴. 今次黎到試下定價相對較平易近人，午市鮨 $398 包左前菜，12貫壽司，烏冬同雪糕。先上左黑松露蟹肉茶碗蒸同柚子汁沙律. 蒸蛋嫩滑帶有拆絲蟹肉，黑松露香味好出. 柚子沙律好refreshing.到主角12貫壽司，會由清到濃咁逐推出.先上左鱸魚，味道比較清，用左柚子調味幾清新緊接住嘅真鯛口感頗軟嫩細膩帆立貝上面灑上竹炭鹽睇落猶如帶銀粉好亮麗. 入口肉厚鮮甜，竹炭鹽微咸更帶出鮮味.深海池魚，口感較為爽彈細緻帶點油份，魚味較出，中間加有柚子皮令其香味更清新。醬油漬吞拿魚，以醬油醃過入味而又唔會過鹹，口感軟腍嫩身牡丹蝦蝦肉甜美，口感細綿略帶點黏同漿口蝦頭中蝦膏拎岀黎燒過，蝦膏鹹香更出更香一入口，甘香豐腴嘅蝦膏加甘甜蝦肉，美味平靜魚，咁嘅讀音，唔知有無寫錯佢個名. 呢款肉質較厚實帶靱感，魚味濃，落左柚子汁帶清香之後係青魚，上面放左以醋醃過白板昆布，呢款麻麻地，即使有微酸昆布都蓋唔過魚嘅微腥金目鲷魚面頭係溫室芽蔥，而金目鲷經過火炙甘甜魚
omakase 係其中最食到時令魚生壽司，不過通常比較貴. 今次黎到試下定價相對較平易近人，午市鮨 $398 包左前菜，12貫壽司，烏冬同雪糕。
先上左黑松露蟹肉茶碗蒸同柚子汁沙律. 蒸蛋嫩滑帶有拆絲蟹肉，黑松露香味好出. 柚子沙律好refreshing.
到主角12貫壽司，會由清到濃咁逐推出.
先上左鱸魚，味道比較清，用左柚子調味幾清新
緊接住嘅真鯛口感頗軟嫩細膩
帆立貝上面灑上竹炭鹽睇落猶如帶銀粉好亮麗. 入口肉厚鮮甜，竹炭鹽微咸更帶出鮮味.
深海池魚，口感較為爽彈細緻帶點油份，魚味較出，中間加有柚子皮令其香味更清新。
醬油漬吞拿魚，以醬油醃過入味而又唔會過鹹，口感軟腍嫩身
牡丹蝦蝦肉甜美，口感細綿略帶點黏同漿口
蝦頭中蝦膏拎岀黎燒過，蝦膏鹹香更出更香
一入口，甘香豐腴嘅蝦膏加甘甜蝦肉，美味
平靜魚，咁嘅讀音，唔知有無寫錯佢個名. 呢款肉質較厚實帶靱感，魚味濃，落左柚子汁帶清香
之後係青魚，上面放左以醋醃過白板昆布，呢款麻麻地，即使有微酸昆布都蓋唔過魚嘅微腥
金目鲷魚面頭係溫室芽蔥，而金目鲷經過火炙甘甜魚油滲出，魚脂油香更濃郁甘香濃而不膩，肉質結實
大拖羅油花超多，極富油脂香而口感軟腍
三文魚籽軍艦，滿滿魚籽鮮橙色晶瑩剔透，輕輕戳破，帶海洋嘅咸鮮味湧出。因為剛食完油脂較重嘅Toro. 師傅好貼心咁加咗鮮柚子皮係面，減少膩度
最後黎度北海道馬糞海膽，色澤鮮艷，入口鮮甜味濃厚而香稠，特別欣賞佢細膩豐腴口感，入口軟滑如雪糕般溶化口中
食完十二貫壽司，有湯烏冬，口感滑溜。湯底係用魚汁及冬菇熬成，幾清爽
最後紅豆雪糕，中間有紅豆粒，原粒仍保留粉口感。雪糕略甜左d
另外值得一提係全部壽司飯都用左日本赤醋，屬於江戶前較傳統壽司製法 ，醋味比較溫和酸同香醇。每件壽司師傅已經充分調味過，就咁食唔需要另外點醬油
Post
