利寶閣 (Closed)

朋友喺Togetda預訂，利舞臺呢間黑松露點心放題，見到有優惠，好抵食😍平日午市時段都好多人。任食兩小時，樣樣都想試，平日兩個人飲茶食唔到太多款式，今次可以一次過滿足哂😋一坐低店員已奉送幾款菜式。「皇牌黑松露蟹鉗酥」面皮酥脆，裡面夾著蟹鉗，口感唔錯。「黑魚子鮮蝦腐皮卷」外皮鬆脆，包著鮮蝦肉，呢個要推介...好味👍🏻「花膠灌湯餃」大大隻灌湯餃，仲有花膠，真材實料。「黑金流沙包」賣相好靚，裡面流沙熱辣辣，yummy「豬腳薑」而家已經唔係每間酒樓都食到，平日好少機會食，呢度嘅豬腳薑好好食，叫完即刻再Encore多兩次😍呢個價錢可以食到咁多款，有質數嘅點心，真係好抵。見到晚餐都有放題，下次可以再試。