Running 燒 (Closed)

星期五happy下，特登同同事去咗間韓式燒肉食lunch😝烤牛肉套餐呢個烤牛肉套餐真係超級平，有兩件牛仔骨、有三塊牛舌、三塊牛柳片、六粒牛柳粒、兩塊茄子、兩塊雞髀菇。烤海鮮套餐呢個烤海鮮套餐雖然貴$10但係除咗茄子同雞髀菇之外，仲有兩隻蠔、三隻蝦、三隻扇貝同埋幾舊魷魚。其實我覺得係抵食過牛肉套餐因為個蠔都鮮下。烤到中途職員會俾兩嚿蘿蔔你，如果個爐污糟咗就可以用個蘿蔔去抹乾淨都幾貼心🤣前菜方面係有比到泡菜豆芽俾大家食，個泡菜雖然唔係韓國傳統泡菜但食食吓都覺得好特別，唔覺意都食晒。