雲壽司 (聯成商業中心)

Open Now

Now Closed

難得平日放半日假，LUNCH要食好D，獎勵下自己，去左「雲壽司」食廚師發辦！午市OMAKASE有三款選擇，最後揀左大滿足既「吟GIN」，有齊刺身、壽司、手卷、麵豉湯。刺身有七款：深海池魚油脂豐厚，入口爽口鮮甜。伊佐木肥美甘香，微甜爽滑又柔軟。粒貝肉質幼嫩甘甜，嫩脆而不韌。象拔蚌鮮嫩爽脆又滑溜，好有嚼勁。大拖羅富天然魚油脂甘香，肉質軟腍，入口即化。北海道牡丹蝦蝦肉甜美，細綿帶爽。飛魚甘香清爽，帶著一絲甜味。壽司同樣有七件：石垣貝清甜爽脆好厚實。白蝦Q彈軟綿，鮮甜無比。金目鯛柔軟肥美好甘香。北海道海膽鮮中帶清，口感豐腴奶滑。鮫鰈師傅特別選取魚邊位置，肉質嫩滑豐潤，細嫩中帶點緊實。銀鱈魚清香鮮嫩，入口即化。吞拿魚腦天魚味極濃，脂肪多筋位少，好軟滑！拖羅蓉手卷肥美軟腍充滿脂香，紫菜好香脆。麵豉湯鹹香十足，暖胃一流。