sensory ZERO (禮頓中心) (Closed)

當條街好多人，有時轉過彎就會搵到寧靜嘅角落。銅鑼灣嘅咖啡店一向出名人多，有時候連樓上咖啡店都會好爆，不過轉過彎，響禮頓中心就有一間我好鍾意嘅咖啡店sensory zero。行入呢間咖啡店，你先要行入莎莎——冇錯，呢件事真係好奇怪，但就係由於因為咁奇怪，所以呢間咖啡店唔係咁多人。飲品大致上都要$40一杯樓上，下午茶時段，果醬牛角包加一杯最基本嘅美式咖啡都係$55。牛角包鬆脆軟熟，相片入邊嘅我已經食咗一半，果醬有三款選擇，我選擇左玫瑰花士多啤梨果醬。好香，唔會有太多嘅膠質，而且唔係太甜，適合香港人口味。凍咖啡普普通通，最特別嘅係佢嘅飲管，佢哋環保無選用膠飲管之餘，如果用重用飲管有時客人都會好擔心佢嘅清潔度，而呢間餐廳佢用一條長通粉做飲管，一次性使用之餘亦都容易降解，唔會造成太多嘅污染。我都好想買呢啲長通粉做飲管。