吉野家 (Closed)

之前同朋友嚟左呢間吉野家食TEA, 原來而家下午茶都有火鍋食, 名叫"午後手作鍋", 佢有兩款揀, 一款配金菇牛肉卷串, 一款配炙燒芝心丸,  都係跟一個韓式公仔麵&溫泉玉子&汽水一杯.  我同朋友一人叫一款一齊開心share食, 一份都係$28.5 真係好抵食. 火鍋湯底微辣, 有少少泡菜同埋芝士味,  麵質煙韧, 個韓式麵和湯底有少少似我平時食開的一款農心韓國麵而且又係自己煮, 感覺好似自己在家煮黎食咁幾得意, 唯一分別就係呢度係用電磁爐的. 至於金菇牛肉卷串就真係麻麻地了, 牛肉色水唔靚, 咁樣淥熟食金菇牛肉卷亦唔好食, 淥熟的牛肉好薄而稔身, 一咬落口塊牛肉食完但金菇都仲未咬得開. 口感配搭怪怪的. 金菇牛肉卷都係燒會好食D. 而炙燒芝心丸相當不錯, 幾好味, 有芝士流心的, 不過食既時候小心燙口, 下次再食都會揀炙燒芝心丸的.