Video
Read full review
2014-11-23
11009 views
一直得知响九龍區 i square 樓上有一間高級食品，除左店內的生蠔有名外，仲要係地處尖沙咀區高樓層位置，從餐廳可以觀賞維江和市區的景色，特別係晚上時間，更加係好多情侶首選拍拖之地。但係晚上用餐的價錢比較昂貴，所以今次決定相約友人於中午時間，去試一試餐廳的SET LUNCH。响 i square由扶手電梯可轉搭升降機先可以到達餐廳。可能假日關係，穿越商場都需花費時間。終於去到餐廳門口，服務員的招侍和餐廳門面，已經令人期待。入到店內，亦可能因星期天中午時間關係，都是FMAILY DAY，所以店內只係一，兩台客人正在用膳。店內裝修和環境真是一絶，怪不得，那麼多人都會慕名前來。經理主動向各人介紹是日SET LUNCH的菜式。一行三人，一定要試不同的東西啦。而且跟餐可以追加生蠔，呢個有名的食物，當然要一試啦。與一般高級餐廳一樣，餐前會有免費的餐包供應給客人享用。餐包中，以軟身的芝麻包最好吃，麵包鬆軟，而且經過加熱才送上，味道不錯。等了一陣，沙律和餐湯都隨即送，但係因為SET LUNCH只可以餐湯和沙律中二選一，唯有和同行友人分享頭盤的美食，呢個都可算美中不足的地方。沙律是煙三文魚配雜菜。三文
响 i square由扶手電梯可轉搭升降機先可以到達餐廳。可能假日關係，穿越商場都需花費時間。終於去到餐廳門口，服務員的招侍和餐廳門面，已經令人期待。入到店內，亦可能因星期天中午時間關係，都是FMAILY DAY，所以店內只係一，兩台客人正在用膳。店內裝修和環境真是一絶，怪不得，那麼多人都會慕名前來。
經理主動向各人介紹是日SET LUNCH的菜式。一行三人，一定要試不同的東西啦。而且跟餐可以追加生蠔，呢個有名的食物，當然要一試啦。與一般高級餐廳一樣，餐前會有免費的餐包供應給客人享用。餐包中，以軟身的芝麻包最好吃，麵包鬆軟，而且經過加熱才送上，味道不錯。
等了一陣，沙律和餐湯都隨即送，但係因為SET LUNCH只可以餐湯和沙律中二選一，唯有和同行友人分享頭盤的美食，呢個都可算美中不足的地方。
沙律是煙三文魚配雜菜。三文魚食落口感十分好，沒有腥味，經過煙燻，感覺特別鮮味，而且份量亦不算少，配上雜菜，食落口感一流。另外，餐湯是忌廉磨菇雜菜湯，味道都不錯，份量都不是太少，而且湯亦不是太淡和太稀，磨菇味很濃，一喝便知道是磨菇湯。未試主菜前，還要試一試馳名的生蠔作前菜。
生蠔份量亦算大隻，口感十分鮮甜，而且廚師處理時，應該十分乾淨，食落沒有沙石的感覺，配上少少的檸檬汁，更加能食出生蠔的美味。之後就時主菜時間，各人分別點了魚，龍蝦和羊(本來是點豬，但因當天沒有豬供應，所以廚師改為煮羊架)
龍蝦比想像中大隻，而且亦有好多肉可以進食，配上芝士，味道十分好。而且配上剛炸好的薯條，整碟菜式十分不錯。之後再試一試羊架。羊架是配燒汁，食落很易入口，沒有"穌"味，而且廚師控制時間十分好，羊肉煙韌有肉汁，沒有覺得煮得太老的口感。
最後就要試試魚的主菜，如果相比之前兩道主菜，魚就會比較遜色一點。但係食口感和味道不差，而且沒有腥味。另外上菜前已經去了魚骨，食落亦會感到舒暢。
總括來說三道主菜都十分好食，而且份量亦很足夠。而且配上不同的配菜，整體賣相和味道都是一流。最後試一試廚師的精選甜品，其實和酒店的甜品差不多，就是士多啤利慕絲配雪糕。雪糕都是一般的雪糕，沒有什麼特別。相反，慕絲相比之下就好食好多。雖然是士多啤利，但是入口不是太甜，但亦能食出士多啤利味，而且口感不是太"溶"，食落有質感。份量不是太大，食完頭盤，主菜之後，這個甜品的份量真的是剛剛好，不會做成太飽的感覺。
還有一杯餐飲，能夠提供一般西餐廳的飲料。飲品中，糖漿和奶都是分開上，讓客人自己添加合適的份量飲用。
邊進食聊天，邊欣賞週邊的窗外風景，而且環境幽雅，食物質素十分好。而且有個別箱座(卡座)是刻意面向窗外風景，讓客人可以邊進食，邊欣賞景色。如果覺得晚上用膳的費用比較昂貴，可能試試中午時段的SET LUNCH，相信亦是一個不錯的選擇。
Post
