玉桃軒酒家 (利舞臺廣場)

Open Now

Now Closed

舊同事「小雲子」因工作煩躁，週一中午專登約同XO仔去遠少少o既銅鑼灣「玉桃軒酒家」飲茶，以全肉餐一解心中o既冤屈氣。酒家光鮮開揚，天花多排水晶吊燈配上粉色o既布簾枱布，估計晚市應該做唔少婚宴酒席。眼見店子午市咁旺場，兩口子亦好迅速地點咗幾款點心小食黎分。明爐即燒叉燒皇（$68）：「小雲子」明顯經常黎飲茶，開茶時已率先點食此味叉燒皇。叉燒肥膏不多，但入口果真鬆軟彈牙，肉香甜美，一個字：四式點心（$55/各兩隻）：兩個人飲茶叫點心真係有啲難度架，每籠唔係三隻就四隻，「玉桃軒」個四式點心就唔同，一籠大大o既點心拼盤有齊最大路o既蝦餃、燒賣、牛肉燒賣及十八羅漢蒸粉果，每樣各有兩隻，份量啱啱好。兩款燒賣均鬆爽美味。細佬因敏感未有食蝦餃，不過真係好開心，十八羅漢蒸粉果因不含花生，難得小肥都可以食，粉果外軟內爽脆，好清好健康。雞絲滑粉卷（$18/三條）：粉卷o既皮層雖未算最滑溜，但當中o既雞絲餡心卻又極為嫩脆，$18有三條，個人絕對收貨。鮮腐竹三菰扎（$18/兩件）：個人略嫌三菰扎調味欠奉，食落寡咗啲。懷舊高湯灌湯餃（$32）：灌湯餃熱辣清香，餃皮軟薄腍滑，足料飽肚，好啱XO仔口味。未食早餐o既「小