Video
Read full review
2017-12-13
546 views
早前同個舊同學到蘭桂芳嘅FUMI食晏，先知原來佢喺日菜嘅粉絲，對日菜可謂情有獨鍾，無論刺身、壽司、燒肉、串燒、涮涮鍋……等等都無任歡迎。反而，天婦羅就比較少食，原因不外乎較「熱氣」，但做得好嘅天婦羅可以唔點熱熱，最近，食友就推介我位處威靈頓街一食廈之上嘅「瀧」（Tempura Taki），做天婦羅夠專門，亦甚有水準，故再次約舊同學聚一聚。不過，「瀧」晚市主要做廚師發板，定價唔便宜，所以，推介我哋嚟食晏，以質素而言，性價比高。門面有啲高傲嘅感覺，推門而入，裝修亦非走和風嘅木系暖色，反而，格局摩登，走高格調嘅色系。最搶眼莫過於入門口靠牆嘅巨龍彩繪，栩栩如生！吧枱喺搶手位，因為，可以欣賞到師傅做菜。而安坐後，第一時間送上熱毛巾，遞上餐牌讓客人慢慢點菜。午市以定食為主，大部分基本都已包冷鉢、先付、前菜、漬物、味噌湯、甜品，部份就再加入刺身，定價都喺二百頭到三百尾。呢度主打喺天婦羅，所以，舊同學就晌呢版揀咗特上天婦羅御饍。仲有一款午市套餐喺小弟嘅抵食推介，稱為午市特選二重奏，晌12款飯、烏冬、蕎麥麵……等任揀其中兩款，同樣，都包冷鉢、先付、前菜、漬物、味噌湯、甜品，定價只喺$198。初時，心想任
不過，「瀧」晚市主要做廚師發板，定價唔便宜，所以，推介我哋嚟食晏，以質素而言，性價比高。門面有啲高傲嘅感覺，推門而入，裝修亦非走和風嘅木系暖色，反而，格局摩登，走高格調嘅色系。最搶眼莫過於入門口靠牆嘅巨龍彩繪，栩栩如生！
吧枱喺搶手位，因為，可以欣賞到師傅做菜。而安坐後，第一時間送上熱毛巾，遞上餐牌讓客人慢慢點菜。
午市以定食為主，大部分基本都已包冷鉢、先付、前菜、漬物、味噌湯、甜品，部份就再加入刺身，定價都喺二百頭到三百尾。呢度主打喺天婦羅，所以，舊同學就晌呢版揀咗特上天婦羅御饍。
仲有一款午市套餐喺小弟嘅抵食推介，稱為午市特選二重奏，晌12款飯、烏冬、蕎麥麵……等任揀其中兩款，同樣，都包冷鉢、先付、前菜、漬物、味噌湯、甜品，定價只喺$198。初時，心想任揀兩樣，應該會喺迷你版，點知跟一般嘅丼飯細唔得幾多，可以喺兩個女生都夠食嘅份量，所以，先真心覺得抵。
特上天婦羅御饍 $298雖然以定食形式奉上，但天婦羅部份喺由師傅逐件炸起逐件上，所以，坐晌吧位喺必然嘅，就算喺定食，都添多一份優越感。由於天婦羅大部分都喺得一件，故味道要問番佢覺得點，小弟就只有影相留記錄。
刺身冷鉢、先付、前菜……等等容後再分享，而跟我嘅定食比較，就喺多咗一份刺身，有吞拿魚赤身、甜蝦及帶子，同學話啲刺身好鮮甜，尤其吞拿，唔會有種冰雪感，甜得有點黏黏滑滑，但蝦味濃，帶子厚肉得嚟更喺爽到不得了，就連啲日式芥末都喺鮮磨貨色。
海藻鹽、咖喱鹽、檸檬汁、蘿蔔蓉正所謂工欲善其事，必先利其器，未落到天婦羅主題，先介紹其佐料。比一般海鹽，海藻鹽固然更加健康，咖喱鹽則比較少遇見，而檸檬汁確有提鮮鮮膩之效，而蘿蔔蓉如果唔喺店員解釋，真喺唔知咁有來頭，分別用上九州及靜岡兩地嘅蘿蔔磨蓉，你話我心理作祟都好，感覺寧舍水潤清甜，而啲蘿蔔蓉喺當「小食」就咁食用，作用喺解熱，故店方會無限量為你添加！
天婦羅車海老先上場喺最常出現嘅海老，即喺大蝦，師傅話初秋喺「車海老」盛產期，肉鮮且爽，灑點鹽，鮮蝦味更突出，再者，炸功了得，唔單止粉漿又薄又脆，如披上薄薄金黃外衣，彷彿一滴油感都無。而車海老因外殼有一圈圈黑紋，好似車呔咁，所以叫「車海老」，不過去殼沾粉漿後就變得「呔紋」唔明顯。此外，蝦頭都咪錯過，因為已經炸至酥脆，沾咖喱鹽更香口惹味。
天婦羅瀨尿蝦（左）、木鱇魚（右）再嚟嘅喺瀨尿蝦，唔使自己搵手拆殼，當然食得夠爽，蝦肉有彈性，食味唔錯。而木鱇魚（希望無聽錯），細細尾一條，唔知真身喺點，外皮香脆，肉質柔軟，有點點油香，魚味比較濃。
天婦羅日本紅衫魚（左）、馬頭魚（右）日本紅衫，師傅話已加咗少少紅梅醬，所以，咩都唔使點可以入口，啲魚肉超嫩滑，喺今日咁多款魚中最滑嘅一種。馬頭魚其實都滑溜，只喺跟紅衫比就有些微比下去嘅感覺，而外型帶點鱗片狀，魚味不俗。
天婦羅野菜最後一輪嘅天婦羅喺野菜，分別有珍珠筍、冬菇、青椒，珍珠筍出奇地咁爽脆，冬菇、青椒好食得出食材嘅原味，可見簡單嘅野菜都喺用上有質素嘅靚料。
午市特選二重奏：北海道松葉蟹肉蟹飯配三文魚籽、天婦羅什菜蝦餅飯 $198成份定食捧到上枱，份量真喺唔講得少，兩大碗丼，飯量十足，真喺有少少後悔點咗兩個都喺飯，其中一碗要蕎麥麵會唔會輕盈番啲呢，哈哈！不過咁，小弟鍾意食蟹卻唔鍾意拆蟹肉，所以，松葉蟹肉飯喺穩膽，而呢度以天婦羅出名，我都梗喺要試啦，故此，就揀二重奏裡面有天婦羅成份嘅丼飯。
午市特選二重奏
$198
20 views
0 likes
0 comments
前者小杯內有兩款喺涼拌時蔬:冬菇絲及黃牙白，無乜太多醃料或醬油，所以，味道比較清淡；後者喺幾片醃昆布，即喺海帶，相對味濃，亦有啲偏鹹。
先付一小碟擺得頗精緻，白色嘅以為喺豆腐，咬落又好似唔多似，再咬耐啲，內裡充滿水份，似喺我哋打邊爐解咗凍嘅蜂巢豆腐，口感過癮；另一件批得好靚嘅喺芋頭嚟，粉糯有芋香。
前菜仲有一小碗薯仔沙律，店員無特別介紹，相信唔會大有賣點，不過，個人認為做得唔錯，個蛋黃醬幾香，薯仔夠粉又有薯味，口感又無話太乾。
天婦羅什菜蝦餅飯趁熱先食個什菜蝦餅飯，整件什菜蝦餅飯大細啱啱好冚過碗面，睇樣都見到有唔少野菜同蝦肉，夾起一炷試試，一咬「咔擦聲」脆口到不得了，而且，真喺完全無油膩感；飯粒食落有米香，兼且口感軟糯，扒飯都扒得比平時快，而且，兩碗飯都比預期大碗，真喺食得我好飽。
天婦羅什菜蝦餅飯
28 views
0 likes
0 comments
有留意小弟食評，就見到我食親海鮮丼都揀蟹丼為首選，上文都解釋過原由。之前晌「豊洲水産海鮮丼専門店」食過嘅北海道響螺松葉蟹甜蝦丼，美味感仲「瀝瀝在目」，雖然，呢次嘅蟹丼只單單有松葉蟹肉，無蟹棒及蟹膏，但一碗面都鋪滿鮮拆蟹肉，絕無欺場，加上晶瑩剔透嘅三文魚籽，搶眼突出。絲絲蟹肉極為鮮甜，三文魚籽味帶鹹鮮，兩者拌飯同食，一流呀！
北海道松葉蟹肉蟹飯配三文魚籽
30 views
0 likes
0 comments
最後先飲番幾啖湯，麵豉味濃，食完兩個飯，再飲點湯，暖意下肚，感覺舒服晒。
朱古力慕絲蛋糕甜品喺西式嘅慕絲蛋糕，當然，小弟就想喺以和果子作結啦！然而，件蛋糕都做得有水準，朱古力味濃，口感柔滑，伴以自家製蛋黃醬，富蛋香（個人覺得唔落都問題不大），消化餅底再做多薄少少就完美喇！
作為一間中高檔日本餐廳，佢哋嘅服務水平做得好熨貼，添茶就唔在講，上菜時會細意解釋一下，唔使要求都會自動加添蘿蔔蓉，就連同學食完天婦羅車海老後，留下一小截蝦尾，店員都專登幫佢換隻新碟，一切客人都會睇在眼裡，讓人感受到餐廳嘅「瀧」情厚意。
Post
