CHOO CHOO (Closed)

洗衣店丶車房林立的長沙灣街道裹隱藏著這間火車鳴笛聲為主題的餐廳。從名字到裝修乃至食物配搭都見到老闆濃濃的誠意，尤其餐廳兩旁牆上的螢幕不斷映放着火車窗外的景色，顧客就像坐在穿梭不同國度的火車一邊吃食物一邊觀賞窗外的風景一樣。店員說他們的老闆喜歡旅遊所以開了這間餐廳，而所有片段都是他們親自操刀，既有日本也有外國風景。特別喜歡佢地既芥末籽燒雞牛油果沙律配糖心蛋同蒜香蝦意大利麵配西班牙乾番茄龍蝦醬意粉。個意大利粉高質又惹味，見個名咁長就知材料豐富，佢哋重要加埋D椰菜花碎，意粉口感即時提升，呢啲真係對食物既追求。成個lunch加埋一都係$100以內，性價比好高。另外佢地既芥末籽燒雞，個雞扒燒到又香又脆，配沙律菜牛油果糖心蛋同芥末，加埋個燒熱嘅檸檬，醒胃提神。