Beefar's 鹿兒島燒肉

Open Now

Now Closed

午餐嚟咗呢度食鹿兒島燒肉，呢度中午唔算好多人，需要傾偈空間都非常夠。中午餐牌一目了然，有幾款食物，每個揀一樣，份量仲有三級可以揀。今次我就因為非常之肚餓，都揀咗個level 3。呢度嘅前菜都非常豐富，個沙律酸甜爽口，先有一粒炸牛肉。另外個蒸蛋，入邊都有啲雞肉。至於個湯就係比較清淡嘅蘿蔔湯。今次揀咗嘅係：是日牛腹肉、牛後腿肉、甲羅燒、黑豚梅肉薄燒。牛後腿肉都頗多根，因為呢個係牛嘅發力肌肉，都係比較瘦嘅，每塊係厚切，牛味都幾濃。牛腹肉顧名思義就好似我哋平時食啲牛腩嗰種，肉質比較鬆弛，第一次試燒呢款肉，因為厚身，用嘅時間都會耐啲。至於甲羅燒，我哋要自己加入蛋漿，自行調校燒個時間，果然唔容易，好容易倒瀉蛋漿。去到一個理想嘅熱度之後，到落啲飯到，果然唔錯。最後黑豚薄燒反而非常之有驚喜，可能因為油脂較多，味道非常豐富，而且非常之香。個飯今次升級咗，配合返唔同嘅肉類，最後大大碗我都食晒。飲品就揀咗咖啡。