聚手工火鍋 (Closed)

今日午餐去咗聚手工火鍋，佢夜晚係做打邊爐，午餐都有啲平價套餐，想食日式嘅有，中式都有，價錢都唔貴。揀咗椒鹽豬扒飯$45,每個餐都送一杯餐飲，呢杯係薏米水，清清地甜甜地，食椒鹽豬扒飯熱氣，飲呢杯薏米水喉嚨好舒服。椒鹽豬扒份量適中，多就未至於，不過夠你飽肚，同埋味道唔錯，鹹鹹哋，炸到好香，餸飯一流。白飯夠乾身，有口感，最怕食軟飯。 雖然 椒鹽豬扒份量唔算多，但係白飯多番畀你，所以都夠飽。去尖沙咀搵平嘢食比較難，呢間嘅午餐都ok。