茶木‧台式休閒餐廳 (又一城)

Open Now

Now Closed

又係陪女友食lunch時間，為左就佢又係唯有留係商場食lunch。今日佢叫我早到就先去茶木霸位，因為位唔多好快冇哂。原來佢係位於商場其中一入口的旁邊，大約只有20座位間係舖位旁，叫做是商場內的露天座位。不過這邊人經過的人流也不算太多，在這裡堂食都不會太受到騷擾。我挑了旁邊的座，後來才發現是自助點餐，便先點了個鹽酥雞麵及草莓奶蓋。份量足夠一人後來女友到了，又是叫了一樣的麵，但飲品則點了鮮桃蜜紅茶。留意這裡沒有lunch set，都是單點的，麵加一杯飲杯都要80蚊左右。落單後就用部機等佢響才自行到枱面拿菜，這時見人流越來越多，很快就坐滿，而且還有很多人來買外賣，因此出餐的速度也不是很快…等了大約15分才有得食，還好個鹽酥雞也是新鮮炸好，看來沒有令我太失望。這個麵麵身偏厚，但咬落去幾有趙口，QQ地咁。而且個湯幾香D茶樹菇味，但又不會太濃或太咸。鹽酥雞也算炸得唔錯，食落口唔會太肥，而且肉質都幾嫩滑，放落湯同麵一齊食都唔錯。至於飲品，草莓奶蓋的奶蓋略厭個奶太泡，咸咸地係可以中和返個草莓甜既。女友個桃茶反而仲好D，因為加左蘆薈(加3蚊)口感幾好，而且真係有兩片桃係茶入面，幾有心思。