峰壽司 (Closed)

諾諾最近成日話要食壽司😅所以今日就帶咗諾諾嚟峰食壽司，因為峰壽司有兒童餐😍卡位重有高速火車送餐（小朋友實鍾意） 由於我已經食咗嘢，所以主要係老公同個仔食，老公叫咗setB 壽司盛，諾諾梗係叫兒童餐😅我就叫咗個三文魚籽手卷 兒童餐附送玩具， 兒童餐有益力多、布甸、炸蝦、玉子壽司、蟹柳壽司、炸雞及腐皮壽司，簡直就係細路至愛 老公叫嘅setB 壽司盛，有前菜（非常求其） 及麵豉湯 ，主餐係12件壽司，稱唔上超級好味，始終$79😅大家都知大約咩質素，總之就係合理價錢，抵食至於三文魚籽手卷$18,街邊手卷店都係一樣價錢，呢度有得坐低飲茶慢慢食，算抵食👍整體嚟講峰壽司係我帶小朋友食壽司嘅平食之選，合理價錢，坐得舒適，小朋友又有玩具，你哋下次都可以試下