一起燒火鍋烤肉店 (Closed)

今日又相約左朋友行街食lunch，由於我地都幾肚餓下，所以揀左位於卓爾廣場嘅燒肉店，一於來一餐午餐燒肉，我地大概1:30黎到，唔需要等位就可以入座，侍應安排左我地坐4人枱，夠晒闊落，呢到採用電子點餐，午餐有好多選擇，有時間可以揀慢慢燒肉，無時間都可以選擇免燒套餐或拉麵烏冬餐，全部大概$40-$50，另外需要加一服務費，我地今次點了兩客燒烤套餐，肉類揀左韓式豬肉同雞扒，韓式豬肉我對佢好大期望，幸好都無失望，醃得幾好，雞扒好大塊好厚，味道唔錯，好抵食，前菜係拍青瓜同低温牛柳，拍青瓜夠晒惹味，低温牛柳有驚喜，黑椒味重，又夠軟熟，甜品揀左焦糖燉蛋同奶凍，兩者都好滑溜，飲品係豆漿同凍檸茶，味道正正常常，自助醬料區仲有豆腐花免費食，但唔夠滑，稍欠缺豆味。總括黎講係可以再encore，食物衞生服務環境都唔錯，可以同朋友一邊燒一邊傾計，都係一個幾好嘅選擇。