Video
Read full review
2015-11-28
3734 views
響尖沙咀區上班，附近就係韓國街，但韓國街大部分食肆都係主打傳統韓食，如果想食好似School Food呢種帶少少fusion既韓食，基本上係無。直至最近發現有NORAYO，決定搵日午餐黎試試。NORAYO係一間樓上舖，午飯時間黎到，竟然大把位。打開餐牌，午市都有幾多選擇：湯麵、韓國年糕、飯、意粉等，價錢由$48至$68，另收加一，包飲品。我點左部隊拉麵，兩位同事都係點左卡邦尼炒年糕，分別係一個辣一個唔辣。為食既我地，仲另外點多锢韓式紫菜飯卷。飯卷黎到，賣相唔錯，旁邊有藍莓醬點綴。味道唔差，餡料有蟹柳、醃蘿蔔、菜等，飯夠軟腍，餡料夠爽脆，口感良好，水準拍得住Hungry Korean，再點埋旁邊既藍莓醬，酸酸甜甜，估唔到咁夾。部隊拉麵黎啦，其實無乜特別，就係辛辣麵加芝士、雞蛋、午餐肉、茄汁豆，只要個麵煮得唔過腍，基本上就一定合格，咁呢度都OK，隻蛋黃仲係八成熟，過關。卡邦尼炒年糕，單係聽個名已夠新鮮感。味道唔錯，有奶香，辣味果個更係夠辣夠刺激，不過個汁好稀，好似湯咁，而且分量勁少，數埋唔知有無十粒年糕，莫講話個男同事，就連女同事食完都話唔夠飽，好彩我地仲點左飯卷，否則就要餓住個肚返埋下半
直至最近發現有NORAYO，決定搵日午餐黎試試。NORAYO係一間樓上舖，午飯時間黎到，竟然大把位。打開餐牌，午市都有幾多選擇：湯麵、韓國年糕、飯、意粉等，價錢由$48至$68，另收加一，包飲品。
我點左部隊拉麵，兩位同事都係點左卡邦尼炒年糕，分別係一個辣一個唔辣。為食既我地，仲另外點多锢韓式紫菜飯卷。
飯卷黎到，賣相唔錯，旁邊有藍莓醬點綴。味道唔差，餡料有蟹柳、醃蘿蔔、菜等，飯夠軟腍，餡料夠爽脆，口感良好，水準拍得住Hungry Korean，再點埋旁邊既藍莓醬，酸酸甜甜，估唔到咁夾。
部隊拉麵黎啦，其實無乜特別，就係辛辣麵加芝士、雞蛋、午餐肉、茄汁豆，只要個麵煮得唔過腍，基本上就一定合格，咁呢度都OK，隻蛋黃仲係八成熟，過關。
卡邦尼炒年糕，單係聽個名已夠新鮮感。味道唔錯，有奶香，辣味果個更係夠辣夠刺激，不過個汁好稀，好似湯咁，而且分量勁少，數埋唔知有無十粒年糕，莫講話個男同事，就連女同事食完都話唔夠飽，好彩我地仲點左飯卷，否則就要餓住個肚返埋下半day。
餐飲我地都點左榛子latte。平時我好少飲咖啡，怕刺激腸胃，但今次見到呢個咖啡，好想試。一呷，好啱飲，好香榛子味，甜甜地，不苦澀；不過對於我飲慣咖啡既同事黎講，就覺得太甜。各人口味不同，都好難講。
Post
