Video
Read full review
2021-02-02
943 views
因為媽媽冇煮晚飯嘅關係，所以第二日冇得帶飯返工，唯有同同事出去食飯，同事帶咗我去呢一間餐廳食午餐，話又抵又好食，試完之後我只能講一句不能認同更多😋其實之前已經有介紹過佢嘅冬甩🍩不過去食佢嘅正餐我都係第一次。呢間餐廳嘅裝修風格好日本，加咗好多紅燈籠喺門口，右邊就係專賣冬甩嘅地方。入咗去之後發現佢嘅防護措施做得好足，因為連凳後面都加咗膠板🤣同事推介呢度嘅午市套餐，$78可以揀一個餸、飯或麵、甜品同埋嘢飲🧃🎈黑椒牛油蜜糖芥末鍋燒炸雞配櫻花蝦濃蝦湯烏冬佢嘅炸雞好香脆，加咗粟米、蔥同埋芝士，雞肉都好嫩滑，而且每一舊雞都好大舊，數量好多，最後我係食唔晒嘅。呢個烏冬我都係強烈推介❗️佢嘅櫻花蝦味好濃郁，烏冬能夠掛湯，煮得好入味，而且會食到一啲櫻花蝦嘅蝦乾，個湯都好好飲！🎈芝士蕃茄鍋燒坎飯我朋友叫咗同樣嘅餸，所以唔另外介紹。不過佢就嗌左呢一個飯，呢個飯嘅芝士好多，佢加咗蕃茄同埋一啲辣醬，所以唔食得辣嘅人最好就嗌其他嘢食。我試過佢個飯之後，都係覺得烏冬好食啲。🎈 鍋燒蜜糖芥末雞軟骨餃子（4隻）呢個雞軟骨餃子都係好食嘅，餃子皮好脆，其實咩嘢食都好，只要上面加咗芝士都會特別好食😂🎈天婦羅拼盤單點拼盤入面有炸薯
呢間餐廳嘅裝修風格好日本，加咗好多紅燈籠喺門口，右邊就係專賣冬甩嘅地方。
入咗去之後發現佢嘅防護措施做得好足，因為連凳後面都加咗膠板🤣
同事推介呢度嘅午市套餐，$78可以揀一個餸、飯或麵、甜品同埋嘢飲🧃
🎈黑椒牛油蜜糖芥末鍋燒炸雞配櫻花蝦濃蝦湯烏冬
佢嘅炸雞好香脆，加咗粟米、蔥同埋芝士，雞肉都好嫩滑，而且每一舊雞都好大舊，數量好多，最後我係食唔晒嘅。
27 views
0 likes
0 comments
16 views
0 likes
0 comments
呢個烏冬我都係強烈推介❗️
佢嘅櫻花蝦味好濃郁，烏冬能夠掛湯，煮得好入味，而且會食到一啲櫻花蝦嘅蝦乾，個湯都好好飲！
17 views
0 likes
0 comments
🎈芝士蕃茄鍋燒坎飯
我朋友叫咗同樣嘅餸，所以唔另外介紹。
不過佢就嗌左呢一個飯，呢個飯嘅芝士好多，佢加咗蕃茄同埋一啲辣醬，所以唔食得辣嘅人最好就嗌其他嘢食。我試過佢個飯之後，都係覺得烏冬好食啲。
17 views
0 likes
0 comments
🎈 鍋燒蜜糖芥末雞軟骨餃子（4隻）
呢個雞軟骨餃子都係好食嘅，餃子皮好脆，其實咩嘢食都好，只要上面加咗芝士都會特別好食😂
15 views
0 likes
0 comments
🎈天婦羅拼盤單點
拼盤入面有炸薯條、炸紫薯、炸魷魚圈同埋炸雞，係好熱氣既一個套餐，因為最後我哋食唔切，所以哩一個比我同事拎走左，我都唔知最後係好唔好食啦😅
18 views
0 likes
0 comments
🎈海鹽焦糖冬甩雪糕
🌟🌟🌟❗️呢個係10粒星咁好味❗️
我冇諗過呢個甜品可以咁好食！
佢喺冬甩上面加咗海鹽雪糕，下面有焦糖醬，同埋紫薯，佢嘅冬甩仍然係咁煙韌，配埋蛋糕同埋焦糖醬一齊食，味道真係超夾，如果黎食一定要食呢個！因為係連我個同事本身唔鍾意食甜品都覺得好食。
11 views
0 likes
0 comments
🎈黑糖菊花茶
呢一個菊花茶味道比較淡，普普通通。
9 views
0 likes
0 comments
總括來講，我覺得呢個午餐真係非常唔錯，而且個甜品真係好好味。如果你過開油塘，都推薦你嚟哩一間試吓。
Post
