Video
Read full review
2005-04-26
7 views
同事早前食過囍宴o既私房菜，鐘意到不得了，一知道佢開左間甜品店，兼有set lunch食，就即時話要黎試。一點左右到達，雖然仍在soft opening期間，都有七成滿。裝修方面係維持囍宴一貫o既風格，以紅色為主，地方細細，但都可以坐倒四十幾人。由於係soft opening，所以未有正式餐牌，只有一張臨時菜單紙。午餐方面有三味菜，包括燒豬頸肉、鎮江排骨同麻辣牛腱，可配拉麵($60)或芝麻白飯($50)，要埋是日甜品就加$18。此外，都有供應一D囍宴o既招牌菜如胡麻溫室茄、口水雞、凍豆腐等。甜品方面暫時選擇唔係太多，只得十幾款，大廚話重會再增加款式喎。五個人當然叫晒幾款午餐啦，大家都要左拉麵，而食素o既同事就叫左個擔擔麵，此外，再要左一份胡麻溫室茄。個溫室茄係一貫地有水準，去皮o既蕃茄配上加有washabi的麻醬，口感清新，係好好o既前菜。午餐o既菜同麵係分開上的，拉麵話係豬骨湯底，但睇落唔似，因為並唔係乳白色o既，飲落覺得係好清甜o既上湯，而唔係濃味o既豬骨湯囉。拉麵質地都唔錯，份量亦足，不過配果幾味菜就似乎用白飯好D。最奇係素食同事o既擔擔麵竟然係用相同o既麵‧‧‧咁就稱唔上係擔擔
由於係soft opening，所以未有正式餐牌，只有一張臨時菜單紙。午餐方面有三味菜，包括燒豬頸肉、鎮江排骨同麻辣牛腱，可配拉麵($60)或芝麻白飯($50)，要埋是日甜品就加$18。此外，都有供應一D囍宴o既招牌菜如胡麻溫室茄、口水雞、凍豆腐等。甜品方面暫時選擇唔係太多，只得十幾款，大廚話重會再增加款式喎。
五個人當然叫晒幾款午餐啦，大家都要左拉麵，而食素o既同事就叫左個擔擔麵，此外，再要左一份胡麻溫室茄。個溫室茄係一貫地有水準，去皮o既蕃茄配上加有washabi的麻醬，口感清新，係好好o既前菜。午餐o既菜同麵係分開上的，拉麵話係豬骨湯底，但睇落唔似，因為並唔係乳白色o既，飲落覺得係好清甜o既上湯，而唔係濃味o既豬骨湯囉。拉麵質地都唔錯，份量亦足，不過配果幾味菜就似乎用白飯好D。最奇係素食同事o既擔擔麵竟然係用相同o既麵‧‧‧咁就稱唔上係擔擔麵呢！配菜方面，份量都唔少，用黎送麵係卓卓有餘。燒豬豬頸肉一如以往地有水準，切成幼長條o既肉，外皮爽脆，肉質亦夠嫩滑，配上加有檸檬葉o既酸甜沾醬，絕對係人間美味。呢味菜以前都係囍宴o既招牌菜之一，但已經好耐冇見倒有啦！鎮江排骨都幾入味，同事讚不絕口，我就覺得唔夠腍。麻辣牛腱配上一截油條同日本蕃薯，賣相幾吸引，牛腱亦炆得夠火侯，不過唔係幾辣，可能係遷就大多數人口味啦，個人而言就覺得美中不足。
當日o既是日甜品係紅豆沙同綠豆沙，其中兩位朋友叫左，評語係後者好味D，不過冇加湯丸總係覺得口感上差左D野喎。同店家反映，佢地都話考慮緊加入湯丸。素食同事本來要左個榴槤糯米飯，但店家話當天o既糯米飯整得唔靚，建議佢改為榴槤香蕉雪糕。我就唔食榴槤o既，所以冇試，但睇佢個滿足樣，同聞倒果陣「除」，相信係唔錯的。我自己就要左腰果露，水準係同食私房菜時相若，但少左果兩粒湯丸，都係美中不足。另一位同事就要左石榴雪葩，佢話好香石榴味。
總括而言，呢度o既食物都有一定水準，不過仍有可以改善o既地方。服務方面，幾位年輕侍應都好有禮貌，囍宴o既Patrick本身係前半島Gaddi's出身，由佢訓練，自然係有一定水準。大廚自己係要求高之人，一日未夠好都唔會正式run住呢！叫埋正價甜品，埋單每人只係$80，相信係大廚俾左折頭，照正價，我估每人係$100左近吧！
Post