泰COOL (英皇道) (Under Renovation)

鰂魚涌都開左分店，一定要去幫襯下，好多人食，仲有特別既露台位。午餐幾抵，送埋野飲，叫左巨型麵包釀咖喱牛腩 ($58)，牛腩大大嚿又夠腍，唔錯。咖喱汁入晒麵包但又唔會太辣，食得好過癮。而且成個穀都係脆卜卜嫁，名乎其實外脆內軟。泰式雞肉炒金邊粉($58)，味道OK，雞肉份量唔算太多，整體炒得偏濕，但個醬汁又係好味，酸酸甜甜好開胃。串燒拼盤(大)，肉質幾juicy唔會燒到好乾，點埋汁就好美味。個人覺得份量都足夠，唔會細細舊一串，3-4個人分都OK。海南雞飯，經典款，正常質素飯唔算太油。衛生同店員服務可以更好，但可能每日都好多人食，所以難免會睇唔晒咁多枱。