金仔米缐

Open Now

Now Closed

因為工作關係，好多時都會係禾輋附近覓食，呢間金仔米線已經食左無數咁多次。通常諗唔到附近有咩食，就會諗到佢架啦。今日自己食左個麻辣湯的米線，佢地仲有得叫唔同的辣度，我就叫左小辣。呢個係其中一個Pre-set的午市套餐，仲包杯飲品，呢個有三個餸，句括豬扒、沙拉丸和腸仔。腸仔係普通廚師腸，無咩特別，沙拉丸幾好食，個人最鍾意係佢地的豬扒，我每次都會叫。豬扒唔會un，亦唔會切得太薄，有啲咬口，味道好食，而且每次都有2塊，算得上大方。至於米線方面軟硬度適中，個湯底也有一點點的麻辣味，其實亦唔算辣，仲會有些芽菜、韭菜和腐竹，各樣味道都唔錯。佢地主打仲有個湯底叫金仔湯底，個人就覺得有些鹹。佢地的地方都幾大幾多位，通常諗唔到食咩就會來。