小島•澳門菜 (Closed)

我覺得小島 • 澳門菜嘅嘢食係幾好食嘅，嘢飲就真係不值一提⋯之前飲過鹹檸七梳打，直頭想成杯掉咗佢。熱奶茶，建議留返喺港式茶餐廳飲。所以今次午餐包嘢飲，我叫杯熱咖啡算。最想分享俾大家知嘅係：佢哋啲優惠政策直頭世界級👍🏼時代廣場有$50優惠券，消費滿100減50,其他餐廳都係可以午市，或者套餐使用，但係呢度就絕對唔得，如果你想用優惠券，就要叫主餐牌入面嘅單點。 今日自己一個人食午餐，諗住叫一個外賣自取，點知原來都係冇任何折扣😳😳😳😳大大個牌寫全日外賣自取八五折，好似都有心想做多啲外賣咁，但係點知原來我太傻太天真，佢根本唔憂做🤷🏻‍♀️🤷🏻‍♀️而家周街都係優惠，人哋會唔會特登為咗你個「主餐牌」八五折嚟幫襯？ 餐湯 用紙杯裝住，都幾方便飲用。幾香濃薯仔同埋粟米味，有薯蓉嘅感覺，飲完有飽足感。