Afternoon Tea TEAROOM (Closed)

哩間餐廳之前有食過，蛋糕好好味。今次喺K11 MUSEA行街，見到哩間餐廳有提供午市套餐，平平地150HKD已經有飲品，沙律，主食同蛋糕，當然要來試下啦。今日揀咗凍咖啡，番茄芝士意粉同士多啤梨蛋糕。沙律好快送到，品種好豐富，有沙律菜，番茄仔同蘑菇片，食落好fresh，搭配埋啲沙律醬，好味。番茄芝士意粉包埋個餐包，餐包送上來仲熱笠笠。估唔到意粉裡面芝士都超多，每一啖意粉都嗦塞番茄汁同芝士味，好正。就算食完已經超飽，甜品一定食得落。哩間餐廳最出名啲就喺士多啤梨蛋糕，蛋糕入口即化，cream一啲都唔油膩，可惜就是太細件，食左兩三啖已經冇左。哩間餐廳午市套餐真喺好抵食，唔錯！