翠豐冰廳

Open Now

Now Closed

兩個人係九龍灣午餐唔知食乜好，行過公司附近見到間新開餐廳-翠豐冰廳就試吓啦！無骨海南雞套餐海南雞細嫩幼滑，肉質肥美唔煙韌，無骨岩哂我依D懶人，配上小店自家調配三色醬料，更加入味！食海南雞一定要食油飯，油飯香噴噴，配上海南雞是一種飲食享受。套餐份量足以兩個小女子食，包有例湯，加多杯凍檸茶，已經好滿足。聽店員講，套餐夜晚仲有雪糕甜品，好似好正咁。菠蘿咕嚕肉咕嚕肉皮薄肉脆，最緊要夠肥美，小店味道調配得很平均，酸酸甜甜，不會太酸，挺開胃，跟飯食就一流。我忍唔住搭上小小油飯，更美味，大家即管試下。