Video
Read full review
2021-01-31
4624 views
肥妹仔真係未試過返工嘅時候午餐係打邊爐，不過見沙田開咗呢一間分店，就梗係要去支持下啦。肥妹仔叫咗一個鴛鴦麻辣鍋，唔辣嗰邊係大骨滋補湯。一上枱係有成大嚿豬骨喺入邊，仲有馬蹄，蘿蔔，粟米，非常之鮮甜。而佢嘅麻辣湯底就一如以往咁有水準。鮮鵝腸半份$62佢嘅鵝腸係肥瘦適中，有鵝油脂喺入邊。淥完之後唔會縮晒水變咗一條好韌嘅橡筋，正。鮮黃喉半份$59肥妹仔好鍾意打邊爐食黃喉，因為貪佢嘅口感好似一片片好爽嘅油脂，一啲都唔膩。佢唔係好索湯底，但係一定要點自己撈嘅醬汁。千絲柏葉 $42即係牛柏葉，不過就切到一絲絲咁俾你，非常方便淥，基本上點一點個湯底就已經食得，非常方便。黑豚腩肉 $82肥妹仔超級鍾意打邊爐食腩肉，因為他們佢嘅口感又爽又脆。呢個黑豚腩肉冇令肥妹仔失望，係好高水，好香豬肉味，一啲都唔蘇。優質美國安格斯肥牛 $216油脂分布非常靚，牛味好濃。重慶秏兒魚 $42肥妹仔第一次食，肉質係比較實，所以要淥15分鐘先得。但係好鮮，肥妹非常有驚喜。苕粉$52超級煙韌，攞嚟吸湯底食超好食。珊瑚蚌 $66超級爽口，而且鮮味十足。重慶炸酥肉 $32呢個就咁食都得。佢嘅豬肉條係連埋麻椒一齊炸，所以每一啖都有驚喜
肥妹仔真係未試過返工嘅時候午餐係打邊爐，不過見沙田開咗呢一間分店，就梗係要去支持下啦。
肥妹仔叫咗一個鴛鴦麻辣鍋，唔辣嗰邊係大骨滋補湯。一上枱係有成大嚿豬骨喺入邊，仲有馬蹄，蘿蔔，粟米，非常之鮮甜。而佢嘅麻辣湯底就一如以往咁有水準。
鮮鵝腸半份$62佢嘅鵝腸係肥瘦適中，有鵝油脂喺入邊。淥完之後唔會縮晒水變咗一條好韌嘅橡筋，正。
鮮黃喉半份$59肥妹仔好鍾意打邊爐食黃喉，因為貪佢嘅口感好似一片片好爽嘅油脂，一啲都唔膩。佢唔係好索湯底，但係一定要點自己撈嘅醬汁。
千
絲柏葉 $42即係牛柏葉，不過就切到一絲絲咁俾你，非常方便淥，基本上點一點個湯底就已經食得，非常方便。
黑豚腩肉 $82肥妹仔超級鍾意打邊爐食腩肉，因為他們佢嘅口感又爽又脆。呢個黑豚腩肉冇令肥妹仔失望，係好高水，好香豬肉味，一啲都唔蘇。
優質美國安格斯肥牛 $216油脂分布非常靚，牛味好濃。
重慶秏兒魚 $42
肥妹仔第一次食，肉質係比較實，所以要淥15分鐘先得。但係好鮮，肥妹非常有驚喜。
苕粉$52超級煙韌，攞嚟吸湯底食超好食。
珊瑚蚌 $66
超級爽口，而且鮮味十足。
重慶炸酥肉 $32呢個就咁食都得。佢嘅豬肉條係連埋麻椒一齊炸，所以每一啖都有驚喜，一陣時你就會感覺到舌尖上一陣麻。
鴨血
比豬紅仲實正同煙韌，攞嚟打邊爐一流。
Post
