圓鐵板燒

Open Now

Now Closed

行過見到呢間鐵板燒嘅午市套餐好似幾抵食，七十幾蚊最平嘅餐，全部都包嘢飲，一碟時蔬，同埋白飯，所以就入去試下我哋分別叫咗一個羊肉同埋一個牛肉，唯一一點我覺得唔係太好就係佢所有套餐都係配黑椒汁我哋叫嘅牛肉同埋羊肉都係切片嘅肉, 肉質都唔錯，唔會好鞋亦都冇筋，張相嘅樣好似好核突，但係其實食落係唔差嘅，只不過我本人唔係太鍾意黑椒汁，所以下次諗住叫佢走汁，因為其實佢煮嘅時候有落鹽所以係夠味道嘅，另外隔離有啲鐵板魷魚，魷魚我就覺得好韌，好似煮得過咗火，但係整體嚟講連咗加一八十幾蚊有嘢飲又有菜又熱辣辣喺你面前即刻整，喺尖沙咀嚟講真係好抵食