Minh & Kok (Closed)

其實香港啲越南餐廳，間間味道差唔多，對於越南菜我無太大感覺。不過有朋友介紹依間餐廳， 食完真係喜出望外！Minh & Kok第一間店係銅鑼灣，佢哋開咗新分店喺太古城，鋪頭裝修比較簡約時尚，環境舒服。可能因為食Lunch, Menu唔太多選擇！所以叫咗最傳統嘅生熟牛肉河~ 食物賣相吸引，而且牛肉湯味香氣四溢，啲牛肉勁嫩，完全一丁點un既感覺都冇，牛肉湯好濃味，真係好食！成個餐包埋杯熱檸檬柑橘蜜，都只係＄68，真係正！