Video
Read full review
2024-03-20
72 views
最近回南天，啱晒食火鍋驅一驅寒。所以今日換完回鄉證就過咗黎一鍋堂食返餐。因為係閒日中午，人流唔算多等咗2/3分鐘就有位。一埋位就梗係先拎飲品啦，款式照樣琳琅滿目紙包飲品/汽水/手工茶飲一應俱全。自助蔬菜吧都有時令當造嘅油麥菜/娃娃菜/菜心，連平時少見嘅冰菜/羽衣甘藍都有。經手機點餐，食物好快就送上。揀咗冬蔭公湯底，味道酸辣泰式香料味豐富。安格斯牛肉：油花比較重，肉味淡了一點，但即淥即食質感最嫩。牛小排/牛板腱：同安格斯差不多但就更有咬口。封門柳：肉味最重，淥耐咗都唔會過老，大推。伊比利豬：入口甜滑唔羶，雖然脂肪睇落有啲多但一啲都唔膩，食味絕對唔比以上嘅牛肉差。手工豬肉餃&韮菜餃：韮菜控必點嘅一樣，因為入面爆多韮菜，夠晒香濃惹味。Encore咗2 round。各類熟食都唔錯，尤其係麻辣鴨血及藥膳雞腳，夠晒入味。丸類入面覺得香菇貢丸和豆皮福袋最好食，炸魚皮同響鈴更係火鍋必備嘅配菜。一黎香口二黎容易吸附湯汁，食落更開胃。麵類方面連近期人氣大光麵都有，抵讚。食火鍋最啱就係配淨麵，可以吸晒湯底嘅精華。最後甜品方面，除咗幾款嘅杯裝雪糕有椰子/咖啡/荔枝及抺茶味，仲有可以無限自由唧嘅紅豆雪糕，為呢餐
因為係閒日中午，人流唔算多等咗2/3分鐘就有位。一埋位就梗係先拎飲品啦，款式照樣琳琅滿目紙包飲品/汽水/手工茶飲一應俱全。
自助蔬菜吧都有時令當造嘅油麥菜/娃娃菜/菜心，連平時少見嘅冰菜/羽衣甘藍都有。
經手機點餐，食物好快就送上。揀咗冬蔭公湯底，味道酸辣泰式香料味豐富。
安格斯牛肉：油花比較重，肉味淡了一點，但即淥即食質感最嫩。牛小排/牛板腱：同安格斯差不多但就更有咬口。
封門柳：肉味最重，淥耐咗都唔會過老，大推。
伊比利豬：入口甜滑唔羶，雖然脂肪睇落有啲多但一啲都唔膩，食味絕對唔比以上嘅牛肉差。
手工豬肉餃&韮菜餃：韮菜控必點嘅一樣，因為入面爆多韮菜，夠晒香濃惹味。Encore咗2 round。
各類熟食都唔錯，尤其係麻辣鴨血及藥膳雞腳，夠晒入味。
丸類入面覺得香菇貢丸和豆皮福袋最好食，炸魚皮同響鈴更係火鍋必備嘅配菜。一黎香口二黎容易吸附湯汁，食落更開胃。
麵類方面連近期人氣大光麵都有，抵讚。食火鍋最啱就係配淨麵，可以吸晒湯底嘅精華。
最後甜品方面，除咗幾款嘅杯裝雪糕有椰子/咖啡/荔枝及抺茶味，仲有可以無限自由唧嘅紅豆雪糕，為呢餐劃上完滿句號。
Post
