Double K Kitchen

Open Now

Now Closed

之前試過幾次假期下午嚟食，都覺得幾大份唔算貴，不過扒餐會比較好食。今次要評論主要係意粉，但意粉我只係食過一次，所以唔知其它係咪咁差，今次講嘅係木魚花三文魚長通粉，呢個真係麻麻哋，碟入面有兩粒迷你蠔，唔知係咪其他食物撈左入去，而啲三文魚就細粒過手指甲😑，幾乎唔見咁滯，係冇餐牌照片嗰啲咁大粒，反而蘑菇同木魚花就多🫠，所以絕對唔建議夜晚食呢個，因為幾乎係同茶餐廳$5x嗰啲冇分別，但係呢度晚飯食呢碟野就要$87仲有加一😑完全係貴又唔值。因為之前食午餐都係百零蚊，冇留意夜晚飲品要加$15，又唔知有加一，兩個人食咗$200，如果早知係咁嘅收費，情願過對面食咖哩好食好多。