八幡屋涮涮鍋 (Closed)

今日見天氣好凍，自己一個人Lunch去咗打邊爐放縱一下。我揀咗最平嗰個火鍋放題，肉類方面有美國肥牛同兩種豬肉，而湯底我就揀咗骨膠原豬骨湯，汽水同其他蔬菜配料係自己出去任攞嘅。先講講個湯底，豬骨湯係奶白色嘅，有好濃嘅豬骨味，唔會太鹹，飲咗細細一啖，覺得好夠骨膠原。跟住就講下個美國肥牛，肉切得好薄，放落湯底好易熟，每set只係得幾片，所以好快食晒又要加單，肉嘅脂肪比較多，所以唔使咀嚼太耐，但牛嘅肉味就比較少啦。而美國黑豚片一樣切得好薄，咁樣烚熟咗食起上嚟反而唔會韌，脂肪比較少，幾有肉味。最後total食咗2碟牛、2碟豬再加其他蔬菜、丸同汽水就完結左我呢餐啦，非常之咁飽。