八幡屋涮涮鍋 (Closed)

琴晚同朋友一行3人黎打邊爐，本身門口望入去，見到得個雪櫃仔放邊爐料，都唔係太大期望。但志在同朋友傾下計，咁照入啦。但估唔到服務都幾差下。-90分鐘放題，我地20:10入座，21:00要加湯既時候個呀姐西晒面，一野倒啲湯落煲入面，語氣勁差咁：「我地就黎收舖架喇！」我同朋友們都黑人問號，仲有成40分鐘wo!-冇人執枱：成間舖得幾枱客，啲呀姐眼望望又唔執枱，成枱都堆滿晒吉碟。-就夠鐘既時候，其實我地已經一早熄晒爐食緊雪糕，然而當我地執緊野打算走既時候，個呀姐再一次走過黎催：你地夠鐘交枱啦！（其實只係遲左一分鐘⋯間舖仲有其他客人遲過我地黎，所以應該冇咁快收舖🙄食物：-啲天婦羅同炸物有燈照住都係凍既-邊爐料得啲丸類，唔食丸既基本上冇野好食-壽喜燒啲蛋打三隻有兩隻都係壞，出面仲好多雞屎，應該唔係日本蛋結論：-埋單$198其實去返牛X嗰啲仲有禮貌+乾淨-想受氣既咪繼續黎食，包你後悔Ps. 朋友食完即刻肚痛，我就唔知關唔關事啦

日式甜鼓油湯底加牛簡直係世界上一大發明！其實好難唔好味，因為呢個甜甜地嘅湯底，加埋越打越出既牛味，肉味濃郁有層次，不過⋯⋯👉🏻 湯底太稀👉🏻 打左好多牛都係唔太濃味👉🏻 牛肉同其他日式邊路嘅牛肉質量差唔多，都唔會期望過高，但可以啦👉🏻 基本上都唔係好食得出牛同埋豬嘅分別👉🏻 熟食有串燒、壽司，壽司好明顯唔會夾啦，串燒係凍嘅👉🏻 炸饅頭OK；炸薯角都OK👉🏻 8:30pm後入座每位減$20，9:30pm last order, 10pm要走👉🏻雀巢細杯裝雪糕其實只要個湯底唔好偷工減料，基本上呢啲餸都唔需要點樣好新鮮，呢個煱就會好味，但⋯ 佢做唔到。日牛會好味過佢

喺團購見到幾抵，再上嚟睇吓食評見午巿178有刺身，炸物，串燒，壽司，又有火鍋，即刻約朋友嚟試。大概兩點左右，只有兩枱客人，餐廳都幾大，樓面只有一個職員，不過好有禮貌。坐低叫咗個壽喜燒鍋底，睇吓自助吧，原來除咗刺身，熟食同壽司都喺喺外面，得幾款，另有雪櫃分別放火鍋配料，飲品同雪糕。刺身，牛，豬，海鮮係用Qr code落單。我自己感覺就當係嚟食刺身，火鍋嘅食材真係一般，同幾個月前嘅食評真差距，不過服務都幾好，唔只收碟勤力，落單後好快就有。用QR code落單嘅食物：刺身都可以，有9-10款，落幾多比足。牛肉同豚肉真係勁薄，兩款都一般。海鮮：蝦，東風螺，蜆，魷魚，花膠片，元貝仔，無咩鮮味，花膠仔都幾滑，不過太細粒，除咗花膠仔有再落單，其他都無。自助吧：沙律唔知係唔係要自己落醬汁，無味。壽司都可以。燒物同炸物真係好少。火鍋配料：飲品選擇都幾多。飲品櫃有擺甜品，牛奶布甸幾香滑。雀巢雪糕。

今日(21)睇左食評先去，點知中伏！去到約12:30只見一㭘客，己心知不妙！但都黎左咪入去試下，首先企係門口冇人招呼，約一分鐿先有個女侍應咬住支雪條行入黎問我幾位？然後－路食住支雪條－路带我入座，我就叫左138餐食90分鐘，後發現成問铺就只有－個侍應就係雪條妹｜咁叫左意米湯底，出去睇下有咩食，嚇左－跳，菜得油麥菜(好細條)同唐生菜，睇樣吾新鲜，菰類得花菇和鲜東菇，其他丸類放左一個有趟門冰柜内，非常少種類，同埋有趟門食物柜只可容一個人去夾丸，趟門闊度约兩個家庭雪柜咁闊，我真係吾知多個一個人點去夾野？ｌ炸物全凍及無refill，有Ｄ仲係得番Ｄ吉碟放係度！食$138牛肉可以話比大家聽你地去街市買40.至50蚊磅牛肉仲好食個佢我話比大家聽佢地Ｄ牛肉一碟面有兩種肉色，－種係淡紅色，另—種係淡肉色(好似人皮膚咁色)第－轉兩碟都係咁，放左落湯大部份都會散，即係你夾一片牛肉落去，夾起時得番半片或更少，超吾新鮮，完全無味，超伏！豬肉好ＤＤ食左－轉吾食叫埋單，雪條妹吾理我？再三叫埋單原來係度傾電話，拎張單黎仲夾住手提係度傾，真係把幾火，出左門口去隔離陳記燒鵝食左午市套餐填飽個肚先走我都吾明係openri

海鮮、壽司、燒物及火鍋肉類等種類款式少到離譜（無正式餐單提供）,服務員不實介紹,要客人用 QR code 睇食材,每位 $2百幾蚊都唔需要 1 小時就無嘢可食,浪費金錢及時間,仲慘過去大XX食嘢,食完心情更差...

朋友生日，當然就番佢～ 雖然佢住將軍澳，但附近冇乜大型放題邊爐啱食，原本打算去food court食，意外發現旁邊有八幡屋涮涮鍋，價錢都很抵食☺️這間油塘八幡屋較旺角分店細，炸物和熟食款式不算多，壽司亦沒有經常refill，但上菜速度很快👍🏼——————————🔸刺身 刺身很新鮮，三文魚厚切肥美，甜蝦鮮甜但偏細隻，order幾次三文魚一樣水準，正！但當天帶子刺身沒有供應😖🔹火鍋 (壽喜燒湯底)朋友本身食嘢好清，所以提議叫甜甜壽喜燒湯底，果然健康又美味👍🏼特選美國牛肉好重牛味，油花分布平均，食落完全不膩，encore幾盤好快食晒😋 美國肥牛相對較肥，所以前者啱我口味多啲😊海鮮質素平平，蝦🦐算新鮮，食落不會散；其他貝類海鮮很細隻，但沒有沙和腥味，算不錯☺️🔸炸物 熟食炸物和熟食要出去拎，款式不算多，但新鮮炸起煮好，仍然有點熱度。饅頭炸得外剛好，外脆內軟的口感，沾上煉奶後，冇得輸👍🏼打邊爐配料自行出去夾，丸類和蔬菜keep住refill，好新鮮～甜品和雪糕的款式不多，但食完火鍋已經好飽，已經食唔到甜品🤢

Weekend 入了油塘找婆婆，順道和媽媽食個lunch，媽媽揀左呢間八幡屋午市套餐，任食刺身+燒物+海鮮及火鍋放題！🔸火鍋湯底揀左清清地既冬瓜薏米湯底。配料及疏菜種類都有幾多選擇，除了有菇類及幾款菜，凍櫃放了不同種類的丸選擇，個人覺得咼筍同冬瓜都好色，新鮮爽爽地既，食得多肉要食番d蔬菜平衡一下！🔸肥牛、美國特選牛及黑豚肉每款也是薄切的，肥瘦適中肉質都幾嫩口亦夠新鮮，大概放落湯到15-20秒倒就可以食，有質素👍🏻個人比較喜歡美國特選牛肉，牛味濃一點，唔駛太多調味都好食！🔸刺身基本上每一款刺身都點了少許😋三文魚、甜蝦、希靈魚、八爪魚、赤貝及帶子等，夠新鮮夠鮮甜👍🏻👍🏻😋個人較喜歡帶子夠新鮮爽口，好食所以order左round 2!🔸火鍋海鮮類選了帶子、蟶子、花膠肉及鮑片！花膠片都幾腍身，岩灑我口味又可以補下骨膠原，媽媽特別鍾意食蟶子，不是太大隻但夠新鮮同埋唔會太腍，好食！🔸壽司類款司是迷你版本，飯既份量剛剛好，唔會太膩。一口小小迷你的，order 左蟹籽沙律、帶子、希靈魚、wasabi 魷魚！ 個人較喜歡wasabi 魷魚辣辣地夠野味！🔸日式燒物選擇都幾多仲會轉款！我們拎左蝦及多春魚，都

真係估唔到food court都有shabu shabu食😂 $200左右就有交易，真係算幾平。選擇晚市放題的話仲有刺身食，不過選擇就唔係好多。部份食物係用電話scan QR code落單，其他的話就去自助櫃拎。首先要選擇湯底，有好多款可以揀，雞湯、麻辣湯底、豬骨湯底都有，我就揀咗壽喜燒湯底。除咗高級和牛得一碟之外，其他都可以任叫，食肉獸就最開心啦。自助櫃仲有好多丸類，海鮮等等選擇。不過個人就唔係好推薦燒物，覺得太厚粉一般般。

好耐冇食shabu shabu 今日嚟到大本型嘅foodcourt竟然有shabu shabu放題 仲200零蚊位就有交易 why not？雖然係foodcourt入面但裝修企理晚市放題可以升級要埋刺身 肉類同刺身係用電話落單 其他自助一坐底周圍望 已經見到有燒物 刺身同甜品等等 好想快d去拎野食添 不過黎得shabushabu日式放題 當然都要揀埋個湯底先啦 選擇好多 有豬骨 辣湯 等等 最後我地就揀左壽喜燒急不及待出去拎野食啦 燒物有竹輪 餃子 仲有炸物例如洋蔥圈 著條等壽司都應有盡有 不過我自己就prefer刺身多d啦 刺身選擇多 不過大部分香港人應該都係揀三文魚 吞拿肉 甜蝦咁啦 講到主菜 都係shabu shabu 有3種牛揀 你當係高低中級既牛 高級既和牛就得一碟 係幾正架 不過中級就可以無限叫 當然要叫多d la另外有豬同雞肉 不過我都係中意牛多d海鮮類都有好多可以揀 有蝦 蟶子 蜆 螺 等等 我就對貝類唔算太大興趣 反而蝦就幾鮮味 可以話仲鮮過甜蝦添另外當然唔少得打邊爐既一系列配菜啦 各式丸類 菜類 山根 豆腐 豬皮 種種都應有盡有 任大家自由去拎飲品都非常多選擇 汽水

無錯喇，呢間八幡屋係係food court裡面架，真係唔講都唔知🤔🤔🤔聽朋友講呢度既放題好多野食，又有熟食，又有打邊爐，又有刺身，今日就同朋友黎試下，入到去環境都不錯，一入門口已經見到好多熟食，有師傅不斷refill，坐低之後店員就俾左menu我地睇，有2種任食，一種係無海鮮同刺身，只有一般打邊爐食物，熟食，任飲等等，而另一種係乜都有得你食，因為我地中意食海鮮同刺身，所以揀貴少少果種，而貴少少果種任食只要一天前預約定2人以上，就會送和牛牛肉一碟，呢碟牛肉真係好好味，好林👍🏻湯底我地就揀左豬骨湯，等左陣之後湯底黎喇，我地已經出去拎齊打邊爐材料😂😂😂😂亦都叫左好多刺身，同d海鮮，d刺身好厚切，亦都好新鮮，我地都不停encore刺身，咁既價錢已經抵返晒啦，飲品選擇都有好多，最後就係甜品，佢地係雀巢公司杯裝果隻，好懷舊，好味🥳🥳🥳

今日同朋友黎油塘呢邊覓食，佢話想打邊爐，就黎左呢度食番個午市放題！假日黎呢度食兩個鐘$198呢度應該係新開，環境都幾乾淨同舒適。☺️我地嗌左個蕃茄龍蝦海鮮湯底，蕃茄味濃郁，配上淡淡既海鮮甜味，攞嚟做火鍋湯底就啱啱好啦，值得一試！ 肉類方面，啲牛肉煮得耐都唔會韌，加上係任叫所以我哋都叫咗好多🤣🤣豬肉都唔會厚又唔會薄，配合番茄湯底特別開胃！除咗一般火鍋會有嘅食材之外仲有刺身，我地叫左三文魚，鮪魚；刺身中規中矩加上放題任飲任食，菜類新鮮（尤其係金菇）、飲品種類多，所以嗰兩個鐘都食下食下過得好快😆唯一比較唔推薦既就係串燒，因為有好多串燒已經一早燒好晒喺度所以好多都已經癱倒凍哂😗但係總括嚟講都好好味🥳

有2種時間的放題，均有壽司、燒物、炸物、雪糕汽水任食。120分鐘的更有刺身及海鮮。價錢差$50。而且是免加一服務費！.⭐️90分鐘火鍋放題：成人$168，小童$178⭐️120分鐘刺身、海鮮、火鍋放題：成人$218，小童$178.另外升級「特選美國牛肉」加$30，如加$100就任食澳洲和牛。.當然選120分鐘放題，食幾塊三文魚已經回本，而且有多30分鐘。另外，十分建議加$30升級特選美國牛肉，因為比較瘦。否則肥牛真的比較「肥」。.會送一碟澳洲和牛，有雪花的條紋，鮮紅色十分新鮮。肉類、海鮮及刺身是用手機落單的。.以下4款是任食的：⭐️美國黑豚肉：比較淡色的肉⭐️豬腩肉片：第一眼以為是牛肉⭐️美國肥牛：比較肥美⭐️特選美國牛肉：應該最值錢是這款肉，瘦肉多，香濃牛肉味.另外海鮮都是任叫任食，包括：花膠片、元貝、蟶子、魷魚、蝦及螺等。.刺身應有盡有；熟食區有蝦、天蝦羅及壽司等。.其他火鍋配料可以自己拿，有好幾款丸類、菜、雞肉、菇等等。.少不了的當然是飲品及甜品，有好幾款選擇，除了罐裝汽水，更有支裝及紙包飲品。.在大食代有放題，坐得舒服，牛肉質素又OK，surprising! 試食，一定狂食牛肉。

星期六去油塘探朋友，佢提議再次去附近嘅大本型八幅屋涮涮鍋食放題，挑戰食量。店內環境相當闊落，坐得舒服。我倆入座先揀湯底，我揀咗個冬瓜薏米湯底，諗住清清地至可食到海鮮嘅鮮味。除咗用手機點刺身及其它海鮮食材，仲有自助嘅火鍋配料，有炸物，串燒，壽司，菜，丸類，雪糕櫃同飲品櫃種類亦多。刺身三文魚，吞拿魚肥美冇筋，甜蝦鮮甜，虎蝦肉爽彈牙，刺身較細片，但鮮甜，咁都好嘅唔會嘥嘢，唔夠食可以再點過。壽司都好多款，我揀選咗幾件，都唔錯。炸物，串燒方面，迷你甜番薯，外脆內粉甜，真係最好食。燒大蝦蝦肉爽口彈牙又易剝殼。燒豬頸肉燒得啱啱好，肉質又嫩又有肉汁，唔會燒到乾𠲜𠲜。特選美國肥牛肉質鮮明，肥瘦均勻，嫩滑唔肥膩又有濃郁嘅牛味。鮮蝦肉鮮甜彈牙，聖子、魷魚、帶子都新鮮。＄198 120分鐘任飲任食，星期一至四仲平＄20，食物有咁多種類，質素又唔差，真係超值抵食。

最近突然好想打邊爐..所以決定搵下附近有咩火鍋放題上網見到八幡屋..決定試下揀左骨膠原豬骨湯底之後就scan QR code點野食肉類, 海鮮同刺身係apps落order其他食物就係出去自己夾出去凍櫃望下~都好多丸類選擇蔬菜, 熱食, 壽司, 飲品, 甜品, 雪糕應有盡有之前係openrice見到有cocoberry雪糕可惜當日唔見..上菜速度快, 食物都新鮮..我見到其他食客都不斷叫好多肉, 食肉獸一定會大滿足炸物同串燒都都好多選擇如果胃口大嘅朋友絕對可以回本

今晚又同朋友有飯局啦，減肥大計又要失敗啦，嚟到朋友屋企附近一個大型商場內嘅日式涮涮鍋放題餐廳，呢間餐廳係喺Food Court裏面，自成一角，裝修簡潔舒適，座位寬敞，佢哋晚市火鍋放題有90分鐘同120分鐘選擇，我哋就揀左一個120分鐘任食美國特選牛肉嘅放題🥳🥳特選美國牛肉🥩🥩你會見到冇美國肥牛咁肥，脂肪紋理分布平均，牛肉味濃郁，除咗美國特選牛肉之外其實仲有美國肥牛，美國黑豚片，豬腩肉片可以選擇另外仲有九款海鮮例如蜆，海蝦🦐🦐，蟶子，帆立貝，象拔蚌，東風螺，花膠仔等等，各款海鮮都非常鮮味，個人特別喜歡蟶子，真係好鮮甜佢仲有好多丸類同蔬菜, 係以自助嘅型式供應，最後當然係女士特別喜愛嘅甜品時間啦有大人小朋友都會喜歡嘅啫喱, 雪糕等🍨🍨