Video
Read full review
2022-11-15
204 views
本身諗住今日放飯食好啲，所以揀咗間樂富入面最得體嘅餐廳食。我哋12:45分都差唔多到齊人，叫餐12:50左右落單。同個女侍應叫晒啲主菜，咁佢問我哋落埋嘢飲，落咗兩杯，隔離枱叫兩叫又走咗去，返嚟又落一杯，第二枱叫又走多次去，前前後後落四個餐嘅單都落咗五分鐘，入單時間係12:55。等咗成三個幾四個字，先嚟咗三個餐湯，同枱都提醒咗個同事話我哋係四個餐，我都體諒佢拎唔晒，但明明個出餐位咁近，亦都已經出咗餐，都唔拎埋最後一份嚟俾我哋，又等咗成十分鐘先識得拎過嚟。全場得兩個侍應，得個男仔做出餐，咁另一個女侍應呢？明明出餐位爆瀉晒都唔出餐，反而自己企喺bar枱狂沖野飲，仲講緊係沖廿幾三十杯，想一野過上晒啲餐飲咁。頂，結果我哋未有野食就已經上晒餐飲，啲野食又凍晒，野飲啲冰又溶晒（因為佢都沖咗成20分鐘先沖晒），完全唔明點解會咁樣運作。我哋等咗成35分鐘先第一次催單，其他枱遲嚟都已經有意粉食，我哋一樣主菜都冇。催佢問佢幾時有，剩係識答個豬里肌要等多6-7分鐘。大佬，食飯就得個幾鐘，你話豬里肌要等，但意粉同pizza呢？完全答唔到我哋，嘈多兩嘈就剩係識話叫經理嚟。最後成13:44分先出第一樣野食，我哋根本
我哋12:45分都差唔多到齊人，叫餐12:50左右落單。同個女侍應叫晒啲主菜，咁佢問我哋落埋嘢飲，落咗兩杯，隔離枱叫兩叫又走咗去，返嚟又落一杯，第二枱叫又走多次去，前前後後落四個餐嘅單都落咗五分鐘，入單時間係12:55。
等咗成三個幾四個字，先嚟咗三個餐湯，同枱都提醒咗個同事話我哋係四個餐，我都體諒佢拎唔晒，但明明個出餐位咁近，亦都已經出咗餐，都唔拎埋最後一份嚟俾我哋，又等咗成十分鐘先識得拎過嚟。
全場得兩個侍應，得個男仔做出餐，咁另一個女侍應呢？明明出餐位爆瀉晒都唔出餐，反而自己企喺bar枱狂沖野飲，仲講緊係沖廿幾三十杯，想一野過上晒啲餐飲咁。頂，結果我哋未有野食就已經上晒餐飲，啲野食又凍晒，野飲啲冰又溶晒（因為佢都沖咗成20分鐘先沖晒），完全唔明點解會咁樣運作。
我哋等咗成35分鐘先第一次催單，其他枱遲嚟都已經有意粉食，我哋一樣主菜都冇。催佢問佢幾時有，剩係識答個豬里肌要等多6-7分鐘。大佬，食飯就得個幾鐘，你話豬里肌要等，但意粉同pizza呢？完全答唔到我哋，嘈多兩嘈就剩係識話叫經理嚟。
最後成13:44分先出第一樣野食，我哋根本已經成肚氣，仲要得返15分鐘食。野食都只係叫對得住120蚊個餐。
辣肉腸Pizza
2 views
0 likes
0 comments
個pizza 切完啲料係甩皮甩骨⋯
本身想叫埋甜品我哋根本都唔會再有時間等。
最後經理只係offer 咗個九折俾我哋，有咩用，食個午飯要人等成個鐘，唔夠人，管理又一塌糊塗，其實點都補唔返。
果句，下次真係想食，入門口已經要問定佢餐廳夠唔夠人返工。
Post
