Jan Jan 串揚專門店 (尊豪坊) (Closed)

呢度既午餐好豐富，自選套餐有得簡炸串，串燒，又有主食，飲品，夠晒豐富！串燒款式真係好多，牛舌，免治雞肉棒，京蔥雞，芝士蕃茄雞肉，香菇，最中意食佢地既牛舌，肉質厚實，肉嫩鮮味，燒到有啲焦脆，唔同既串燒都有唔同既口感味道，真係好正呀！🤓🤓炸串亦有不少款式，薯仔，年糕，海老，估唔到蔬菜做佐炸串會咁好食，薯仔完全係炸到外脆內軟，年糕又煙煙韌韌口感好好，重點唔會油膩，口感好好！🤩🤩炸串亦有啲特別少少既，三文魚子海鮮球就係炸海鮮上面配上飯團仔同三文魚子，好似壽司咁，口感豐富；而黑松露芝士都係炸芝士再加上黑松露，咸香軟綿，口感絕佳！🥸🥸午餐包括既主食係燒飯糰，我簡佐醬油味，飯糰表面燒到飯焦咁，勁脆勁香，咬開內心就好軟糯，醬油味味道唔會太濃，岩岩好！😊😊