Beerliner German Bar & Restaurant (Closed)

早幾個月前食過一次，今次特意請表姐舅母食德國菜，一行四人，午餐主餐各人點了不同四個菜色：1）有牛腩柑欖脆薄餅，薄餅果然好脆加了少少酸菜好開胃，薄薄的牛腩片，鹹香味，口感豐富，又夠熱。正！2）卡邦尼磨菇風乾火腿意粉，意粉好夠滑，好味道；3）德式腸拼盤煎蛋，估唔到賣相咁吸引，艷壓全場，腸肉有些微辣，但得好好味，點到即止，我不是太吃得辣的都接受到。薯容就油咗少少配酸菜，就無覺得太肥膩；4）最後一個餐是rib eyes，要咗medium, 肉質好嫩滑，我媽媽大讚ichi ban👍🏻😋。呢個午餐除了是買一送一外，包前菜的薯仔沙律，熱湯南瓜🎃湯，夠熱又濃郁好好味，任食的，又包一杯果汁飲料，有橙汁，蘋果汁，菠蘿汁和紅梅汁。最後仲有任食的甜品，就是我的至愛雪糕啦！有朱古力，雲呢拿和士多啤梨味！好夠凍好實，好不容易才拿了一球。總體來說，我都好滿意呢喥的食物，應該熱的是熱，應該凍的是凍，如雪糕及薯仔沙律！最最後要值得讚的是服務員，佢見我的媽媽年紀大，又末夠時間開始食，他主動帶我們先入座，不用在門前企著等，好體貼。仲點時，他好有耐心地為我們點菜𠻹！👍🏻👍🏻下次一定會再來光顧！