Video
Read full review
2022-04-15
2117 views
之前食過Pici愛上佢嘅Tiramisu，知道依間餐廳都係同一集團，而且lunch set非常抵食，趁放假過嚟試下。餐廳喺灣仔同中環都有分店，今次嚟左灣仔分店，地點其實都有少少唔就腳，同地鐵站有段距離。不過可能因為疫情關係人流唔算好多。lunch set係個$118 嘅3-course meal包前菜、pizza同甜品，部分項目要額外加錢，我同朋友兩個人就叫左幾款share食。前菜叫左Salmon Salad同埋Porchetta Tonnata（Tuna Mayo)，味道正常分量都頗多，不過無預料到個吞拿魚係佈滿蛋黃醬，因為本身唔中意咁多醬，所以見到有啲嚇親，覺得太多太heavy。Pizza方面點左兩款都係要額外加錢，Nauja依款加$10，係辣肉腸同番茄醬嘅配搭，味道正常不過食落覺得都幾辣下。至於Carbonra就要加$15，不過因為係signature所以一早已經打算叫。佢嘅賣相吸引，配搭煙肉、鵪鶉蛋、芝士同番茄醬。而且隻蛋仲係會流心！食嘅時候感覺到蛋汁喺口中爆發，邪惡度爆燈超正。覺得依款pizza真係幾好食，如果嚟嘅話會推薦食依款。同埋依度pizza嘅餅底都唔錯，厚薄適中而且帶
lunch set係個$118 嘅3-course meal包前菜、pizza同甜品，部分項目要額外加錢，我同朋友兩個人就叫左幾款share食。
前菜叫左Salmon Salad同埋Porchetta Tonnata（Tuna Mayo)，味道正常分量都頗多，不過無預料到個吞拿魚係佈滿蛋黃醬，因為本身唔中意咁多醬，所以見到有啲嚇親，覺得太多太heavy。
Pizza方面點左兩款都係要額外加錢，Nauja依款加$10，係辣肉腸同番茄醬嘅配搭，味道正常不過食落覺得都幾辣下。至於Carbonra就要加$15，不過因為係signature所以一早已經打算叫。佢嘅賣相吸引，配搭煙肉、鵪鶉蛋、芝士同番茄醬。而且隻蛋仲係會流心！食嘅時候感覺到蛋汁喺口中爆發，邪惡度爆燈超正。覺得依款pizza真係幾好食，如果嚟嘅話會推薦食依款。
同埋依度pizza嘅餅底都唔錯，厚薄適中而且帶有麵粉香。最估唔到係lunch set嘅分量都咁多，切左4大塊，食完真係已經超飽。覺得幾個人一齊嚟叫幾款唔同嘅pizza食會更好。
雖然食完主菜已經飽哂，但甜品永遠都係重點。Tiramisu要額外加$10，一場嚟到無論如何都要叫！同平時Pici食嘅一樣，大大杯分量十足，我好中意食中間嗰層浸滿咖啡嘅蛋糕。雖然食落係會有少少偏甜，但仍然無阻我對依個甜品嘅喜愛。
結論係依度嘅lunch set真係超級抵食，而且絕對會食到超飽，我覺得幾啱一班朋友嚟聚餐食。
Post
