葫同日式燒肉 (禧利街) (Closed)

中午時間唔算好多人等位，我哋揀咗個2人燒肉餐，大約$360左右，包括蔬菜，牛肉，雞肉，豬肉等等，份量唔算好多，另外包一罐汽水。我都唔知算唔算係優點，有職員同你光速燒咗啲燒肉，方便傾偈，但又會好快食完。呢個做法反而有啲似食緊韓式燒烤。如果可以嘅話，我寧願自己燒，可以享受吓，唔使咁趕急。至於肉質方面不過不失，呢個價錢喺上環來講都算合理。牛肉質量都OK，反而覺得掃得比較好食嘅係雞翼，中午冇乜人選擇食燒肉，所以基本上都唔使排隊可以直入。