麻辣娘子 (形薈) (Closed)

最近都有嚟呢度覓食，今日試咗呢間麻辣娘子，午餐都幾抵食，雖然佢話係套餐，其實係唔配嘢飲的。不過佢嘅食物質素都唔錯，其實都算OK。可以加錢叫飲品，加咗$12叫呢一個芝士奶蓋烏龍茶，出奇地好味，當然係揀無糖！真心地覺得佢沖得唔錯。咕嚕肉都幾有水準，菠蘿好甜喎！BB辣回鍋肉（啱唔食辣的人士）呢個炒飯就稍為遜色，冇乜味…麻辣牛，唔係我食嘅，味道唔知道總體來講都滿意， lunch time呢度真係好多人，可能因為主攻食辣，相對小人，不過套餐其實都有幾個唔辣的選擇。原來面都可以揀唔辣的豬骨湯底，有機會會試吓。