兩公婆私房菜 (Under Renovation)

今日落雨，於是係附近搵食，見到呢間私房菜有lunch set，去會下佢先。平時唔得閒煲湯，就算煲咗，屋企都冇人欣賞，所以費事嘥爐火。喺呢度見到加少少錢可以有埋老火湯，立即叫一份試吓，今日係粉葛豬骨湯，去濕啱晒，足料喎午餐叫咗乾燒伊麵，朋友叫蔥油鹹香雞，兩樣都唔錯。舖頭入邊有貓貓店長，一邊食晏，一邊睇貓貓，如果可以入埋去同佢玩就好啦，不過係唔得嘅店𥚃環境舒服，仲有露台，店員話天氣好可以坐露台。下次有機會試吓夜晚嘅私房菜先。