夜。鐵板燒

今日中午過黎試下$598套餐，有沙律，刺身，茶碗蒸，炒飯，炒菜，味噌湯，潰物，甜品，咖啡！沙律🥗沙律菜好多好新鮮，好清新，唔駛調味就已經好夠，清清地食完反而幾開胃！刺身🦐刺身有赤蝦同帶子，帶子好大粒好鮮甜，係爽嫩既，赤蝦既蝦肉都好爽好彈牙，日本直送真係新鮮啲唔同啲架！北海道帆立貝🐚呢個有兩粒大大既帆立貝，燒完都仲好大粒，唔會燒到過老，仲好鮮好嫩，真係表面脆入面嫩，食得出果種鮮味，唔會太腥，有啲甜甜地既燒汁香，仲有啲海帶係燒汁入面，一齊食就岩晒，味道十足！越南特大虎蝦🍤呢個虎蝦都係用鐵板燒方法整，燒到好脆，但蝦肉仲好爽，彈牙鮮味，蝦殼果啲又炸脆佐，可以食埋添！成碟都擺得好靚，好有心思！日本甘鯛🐟甘鯛既魚肉好實好清甜，魚皮燒到脆晒，咬落索索聲，又有清甜既高湯，同魚一齊食就無咁單調，成碟都好好食，食完魚飲埋啲湯係絕配呀！