船皇 (厚福街) (Closed)

厚福街多野食係人都知，但唔係人人都知道船皇有得食炸髀，仲要係大大隻既炸髀。原本同朋友諗住食對面某間台灣野食，但太多人排隊既關係所以就過來試下，一直都無太留意到呢間船皇，可能地理位置係街尾，平時又唔會行到太入既關係。坐低見到一個大大隻既炸髀相，二話不說就點咗一個炸髀餐黎食，炸髀餐有分兩種，撈麵同湯麵，至於麵都有四款俾你揀：蛋麵、米線、金邊粉同河粉⋯我就揀咗撈麵同金邊粉，仲有得俾你揀辣度，我就小辣，原本以為咁就完全order，點知個餐仲包小食，有雞翼、春卷同蝦卷俾你揀，會唔會咁抵食，仲包埋野飲⋯好食到勁快就食完，炸雞髀好大隻同好多汁，lunch 黎講真係好飽好抵食！