Video
Read full review
2019-10-14
820 views
今日返半日，做埋手頭上啲嘢就去咗公司附近食過late lunch。見到呢間咖啡店，好似係新開嘅，就黎試吓個午餐。我揀咗墨魚汁海鮮意粉（ $88 ）。加$20可以有埋沙律或者薯條，再加一杯咖啡，咁抵就梗係加埋呢個套餐啦。呢度嘅餐具同埋水都係自取嘅。等咗大概5分鐘，就上咗個沙律先。沙律係加咗適量嘅胡麻醬，分量剛剛好。沙律菜爽脆開胃，而且都幾大份。等多5分鐘就上埋呢個墨魚汁海鮮意粉。海鮮有魷魚圈、蜆肉等等，同一啲青椒同埋洋蔥一齊炒，黎到已經飄來陣陣嘅洋蔥香，口感亦都幾豐富。個墨汁更帶少少creamy，但食落又唔會感覺會溜。餐牌上面寫咗係少辣，但對我呢個平時食開少辣既就唔算辣。意粉嘅軟硬度係我最鍾意嘅al dente，時間控制唔錯。食完個意粉之後就上埋杯咖啡。我揀咗Latte，有拉花。味道帶果酸味，同平時飲開既唔同，好特別！咖啡師仲請我飲左杯滴漏咖啡，原來要滴十個鐘，之後仲要發酵幾日。味道甜甜地，原來用左tonic water，咖啡豆亦係比較fruity既！
我揀咗墨魚汁海鮮意粉（ $88 ）。加$20可以有埋沙律或者薯條，再加一杯咖啡，咁抵就梗係加埋呢個套餐啦。
呢度嘅餐具同埋水都係自取嘅。
等咗大概5分鐘，就上咗個沙律先。沙律係加咗適量嘅胡麻醬，分量剛剛好。沙律菜爽脆開胃，而且都幾大份。
等多5分鐘就上埋呢個墨魚汁海鮮意粉。
海鮮有魷魚圈、蜆肉等等，同一啲青椒同埋洋蔥一齊炒，黎到已經飄來陣陣嘅洋蔥香，口感亦都幾豐富。
個墨汁更帶少少creamy，但食落又唔會感覺會溜。餐牌上面寫咗係少辣，但對我呢個平時食開少辣既就唔算辣。意粉嘅軟硬度係我最鍾意嘅al dente，時間控制唔錯。
食完個意粉之後就上埋杯咖啡。我揀咗Latte，有拉花。味道帶果酸味，同平時飲開既唔同，好特別！
咖啡師仲請我飲左杯滴漏咖啡，原來要滴十個鐘，之後仲要發酵幾日。
味道甜甜地，原來用左tonic water，咖啡豆亦係比較fruity既！
Post
