藤本藍鰭吞拿魚專門店 (Closed)

近日倒核廢水，對日本餐廳都有影響，經過見到好多日餐廳都少人，但其實香港好多日本餐廳既食材大部分都唔係來自日本，所以都唔係太擔心。平時去開lunch既藤本就主打澳洲吞拿魚。近排見佢轉左menu，加左意粉，仲多左選擇幾好最正係lunch包湯，沙律同埋前菜，唔洗成日食魚生飯。前排食左個蟹肉蟹膏意粉，勁正蟹肉都好多，夠晒蟹味，一啲都唔腥🤤今日就食左個三文魚帶子丼，好鮮甜。追加左炸餃子小食，外脆內軟。下次再試吓吞拿魚黑松露意粉，佢啲意粉真係令人有驚喜！