Elmo's Bistro & Bar (Closed)

響灣仔比較市中心嘅地方嘅餐廳都試得七七八八，今次專程行遠少少，來到街市上面嘅地方，見到呢一間酒吧餐廳外型不錯，就入去試吓佢哋嘅午餐質素如何。午餐價錢不貴，就隨意選擇左慢煮豬仔脾餐。呢度使用open kitchen，可以觀賞廚師嘅手勢。點餐之後職員立即送上一份剛剛烘起嘅多士，旁邊有意大利橄欖油加醋，和新鮮蒜蓉，多士原本已塗上牛油，其實將蒜蓉塗上已經好香！天氣轉冷，所以我都加＄20叫咗一個餐湯，今日係粟米忌廉湯，職員話忌廉湯係自家製，入面帶一份果香甜，估計可能加入左小小梨或蘋果，粟米粒嘅份量亦都好多，真材實料。煙三文魚沙律雖然唔太特別，但亦都好開胃。慢煮豬仔脾肉質好淋，好入味，上面淋上一啲甜甜地嘅燒烤幾特別，薯條香脆。餐茶要咗最普通嘅檸檬茶。因為呢度係酒吧嘅關係，用上高枱嘅設計，坐得冇咁舒服，不過以食lunch一小時來說，環境都算清靜同唔錯。