Simplylife Bakery Cafe (Closed)

今日約左係太古城返工嘅朋友到Simplylife食晏。我哋12：45分到達，已大排長大龍，等左大約二十分鐘終於有位。蕃茄餐湯微酸中帶甜，濃度適中，和暖嘅法包外脆內鬆軟，兩者配搭，好味！我選擇煎鰽魚.炒雜菜.烤薯.芥末籽汁。鰽魚煎得剛好，表面帶少許焦色，肉質保持鮮嫩，配菜亦絕不遜色，薯角烤得粉綿，充滿薯香；雜菜新鮮爽嫩，菇菇亦好香味，相信是芥末籽汁吧，喜歡！紅酒燴牛尾有機糙米飯，紅綠相影外表吸引，朋友說牛尾是稔及入味的，但份量不多，一匙羹已見底。跟單調嘅糙米飯撈勻吃，增加口感，還是可接受的。果茶餐飲是鮮橙加入紅茶，不過不失。選用紙飲管夠環保，可惜篤左幾下鮮橙就折斷了。