Coffee Art

Open Now

Now Closed

家居保即將到期，今日約咗保險經紀續保，她說吃過將軍澳新都城中心Il期的Coffe Art唔錯，建議去食Lunch同簽埋家居保份續保單，又可以傾下計，餐廳在馬路邊，環境光猛，坐落都幾舒適。餐廳有set lunch供應，價錢由$58起，我地要咗兩份。午餐頭盤我地都要咗柚子汁雜菜沙律，沙律菜十分新鮮，加埋柚子汁食落酸酸甜甜，好清新開胃😋煙三文魚蟹籽忌廉汁意大利粉，煙三文魚同忌廉汁係最佳配搭，意大利粉不軟又不硬，食落有少少彈牙，撈埋蟹籽食，脆卜卜，正😋温泉蛋煙肉白菌忌廉汁意大利粉，温泉蛋半熟，蛋黃漿渗入意大利粉，意粉更加香滑，蛋香味濃😋餐後甜品，我地加$28要咗一件蘋果芝士蛋糕，蛋糕有粒粒蘋果同無花果肉，芝士味唔太重，同蘋果粒好配合，又唔太甜👍🏻餐飲係伯爵茶，可以加$10轉樽裝果汁，我地就轉咗芒果汁同熱情果汁。