Towngas Avenue Cafe (Closed)

復活節三個人食左三個餐A. 青豆湯+ 牛柳個湯幾好，因為青豆湯都幾難整得好味，但個牛柳就麻麻地，燒得有D過火，有少少的苦味。B. 瑤柱茨蓉湯+ 燒魚扒配紫菜薯蓉卷個湯相對比較淡，但都幾好。個魚扒好嫩滑兼且有鮮味，個薯蓉卷出面脆，裏面軟，幾得意。C. 青豆湯+ 帶子伊麵個湯都係一樣，唔講。個麵賣相好好，用兩個蜆殼裝住麵同兩粒幾大的帶子，芝士味幾好，可以再濃少少。甜品方面試左薰衣草梳乎厘同朱古力餅，兩樣賣相同味道都好好。三個人合共食左六百幾(已經用煤氣信用咭有九折)，我就覺得呢個價係出面可以食到更好囉…淨係個湯都四十幾，甜品又係四十幾，主菜要成百幾，真係幾貴。