亞蘇爾 (新城市廣場) (Closed)

好少以澳門做主題既餐廳。平日黎食午餐，通常都唔駛等位就入到。記得之前食午餐，叫豬扒包或者焗飯既份量都比較多。為咗唔好浪費或者夾硬食晒，我叫左個藥膳牛肉湯米，因為感覺上湯麵類份量比較適中。朋友就叫左椰香雞湯米。一上菜就見到有准山、黨參、杞子、圓肉等既材料，加上我對藥膳係有偏好既，所以藥膳湯底已經加分。飲左啖湯，應該冇乜味精，所以飲多幾啖！天氣開始涼涼地，飲啖藥膳湯，感覺好健康。米粉吸湯力雖然係麵類入面唔算出色，但食既時候都有藥膳味。個午餐配一杯野飲，我地order左熱咖啡。朋友覺得佢個椰香米都唔錯。如果係The Point既會員（新鴻基商場既會員），而家仲有九折優惠！