小王牛肉麵 (Closed)

呢日約左朋友黎九龍灣德福廣場食午餐, 朋友話好耐無去過台灣, 好想食台灣野解鄉愁, 所以我地就黎到呢間小王牛肉麵試下。台式大排麵- 排骨大大件, 香脆肉厚, 肉汁豐富, 味道唔會過咸。- 麵條係採用較闊身既麵, 硬度適中, 唔會過淋, 湯底清清地, 配上濃味既炸排骨一齊食剛剛好。跟餐附送既配菜 - 青瓜同麻醬粉皮都好好食。 飲品面, 隨餐係附送金桔鮮檸綠茶 或 荔枝玉露。荔枝玉露- 有好清香既荔枝味, 甜甜地, 唔錯。小王牛肉麵九龍灣偉業街33號德福廣場二期4樓410號舖港鐵九龍灣站B出口, 步行約8分鐘