Ocio (東港城) (Closed)

冬至前夕到位於東港城的 Ocio 吃過豐富午餐🍽️，然後準備冬至晚飯。Ocio 主打西餐， 這裏的窩夫🧇也不錯， 📌午市套餐價錢由六十幾至百幾，已包括是日餐湯🥣和飲品🥤($33以下)。午餐🔸 ～ 鰻魚炒飯佐溫泉蛋$89、 醬燒豬肋骨窩夫早餐$89。 🔸是日餐湯🥣 ～ 南瓜湯味道清甜😊， 今日都幾凍，飲番碗暖笠笠的湯特別正。 🔸鰻魚炒飯佐溫泉蛋🍛 ～ 鰻魚炒飯炒得好均勻又入味， 每一啖都食到濃郁的鰻魚汁😋。有鰻魚肉、珍珠米、 粟米粒和蔥花， 配上溫泉蛋就更加豐富✌🏻。 🔸醬燒豬肋骨窩夫早餐🧇🍳 ～ 嘩！ 賣相做得幾好， 窩夫🧇、沙律菜🥗、太陽蛋🍳、豬肋骨🍖和薯條🥔， 第一眼已經非常吸引🤩！ 醬燒豬肋骨好惹味， 香脆的粗薯條， 清新的沙律菜、 再以太陽蛋作點綴， 最後到蜜糖窩夫🍯🧇， 份量多又美味。 🔸熱即磨咖啡☕ ～ 即磨咖啡味道香濃，又不用加錢，正😆！ 🔸熱蜜桃紅茶🍵 ～ 紅茶味道濃而不澀， 甜甜的蜜桃香氣，好飲！ 食過幾次， 整體感覺Ocio是一間價錢經濟又美味的西餐廳😃。