雙魚冰室

Open Now

Now Closed

喺附近活動開經過又見到呢個位間餐廳重見天日開返，之前前前後後都見過佢改過幾次名，未轉手前幫襯過幾次味道屬正常水平都叫ok 合理。見到好似餐牌唔同晒同幾多選擇就入去試吓，餐廳裝修同之前差不多樣，都企理乾淨，一般茶餐廳嘅食物都是大同小異，叫咗一個焗豬扒飯餐仲有餐湯，揀咗羅宋湯。餐湯顏色望落去唔太濃郁，但味道尚算不錯，溫度夠熱亦有幾多雜菜，以茶餐廳嚟講都ok，主菜焗豬扒飯份量都可以，有一大塊豬扒碎上咗，不算太薄又不是厚切，味道調校得不錯，蕃茄汁顏色濃郁但味道有點單薄，芝士的份量不少，但焗得不夠透，炒飯底幾乾身隱約都見到有些蛋碎，望落幾大份但食哂又不算勁飽！餐飲叫了凍啡，味道正常亦濃郁，凍飲亦無需要加幾蚊，埋單58，收貨㗎啦！見到佢都好多餐嘅選擇，有機會都可以再encore。